facebook
Wednesday , December 7 2016
Home / Featured / रांग वाढत चालली ,पैसे संपत चालले
currency

रांग वाढत चालली ,पैसे संपत चालले

आवाज न्यूज नेटवर्क

पुणे –

चलनबदलामुळे रोख रक्कम आणि सुट्या पैशांचा प्रचंड तुटवडा निर्माण झाला आहे. केंद्राच्या निर्णयामुळे शनिवारी सुटीच्या दिवशी बँका सुरू होत्या. त्यामुळे लोक मोठ्या संख्येने बँकेत आले. परिणामी गेल्या तीन दिवसांपेक्षाही मोठ्या रांगा लागल्या. अनेक शाखांपुढे शेकडो नागरिक उन्हातान्हात आपला नंबर येण्याची प्रतीक्षा करीत होता. ज्येष्ठ नागरिक आणि महिलांचे प्रचंड हाल झाले. दीड-दोन तास रांगेत उभे राहावे लागल्याने लोकांचा वैताग वाढला आहे. बँकेत ग्राहक आणि कर्मचारी यांच्यात वाद होत आहेत. दुसरीकडे बँकांमध्येही सुट्या रद्द करून सर्व अधिकारी-कर्मचाऱ्यांना कामकाजासाठी पाचारण करण्यात आले आहे.

मोठ्या नोटा बदलण्यासाठी आणि छोट्या नोटा मिळविण्यासाठीच्या रांगा शनिवारी सुटीमुळे आणखी वाढल्या. शहर आणि परिसरातील सर्व एटीएम अद्याप सुरू झालेले नाहीत. यामुळे लोकांमधील नाराजी वाढत चालली आहे. रोख रकमेचा तुटवडा भासत असल्याने बाजारातील एकूण चलनवलनच थांबले आहे.
महिन्याच्या सुरुवातीच्या दिवसांत अनेक कुटुंबांची अत्यावश्यक गरजांची बिले देण्याचा कालावधी असतो. किराणा माल, दूध, वर्तमानपत्रे यांसह अनेक बिले या काळात देण्यात येतात. मात्र, याच काळात चलन तुटवडा झाल्यामुळे अनेक कुटुंबांपुढे अडचणी उभ्या राहिल्या आहेत. काही व्यावसायिकांनी ग्राहकांकडून धनादेश स्वीकारले आहेत, तर काहीजणांनी उधारी ठेवली आहे. मात्र, व्यावसायिकांनाही रकमांची गरज असल्याने त्यांच्या अडचणींतही भर पडली असून, चलनवलनाचे चक्रच थांबल्याचा अनुभव बाजारपेठांमध्ये येत आहे.

Check Also

swapnil-shinde_2051

विविध कार्यक्रमांनी महामानवाला अभिवादन

भारतरत्न डॉ. बाबासाहेब आंबेडकर यांच्या ६०व्या महापरिनिर्वाण दिनानिमित्त मंगळवारी शहरात विविध सामाजिक उपक्रमांच्या माध्यमातून त्यांच्या …

Leave a Reply

Your email address will not be published. Required fields are marked *