facebook
Monday , April 24 2017
Breaking News
Home / Featured / युती-आघाडीचे चित्र स्पष्ट नसल्याने इच्छुकांची पंचाईत

युती-आघाडीचे चित्र स्पष्ट नसल्याने इच्छुकांची पंचाईत

आवाज न्यूज नेटवर्क

पुणे

सासवड नगर परिषदेच्या सार्वत्रिक निवडणुकीबाबत राजकीय पक्षांची भूमिका अद्याप स्पष्ट झाली नसल्याने इच्छुकांची पंचाईत होऊ लागल्याचे जाणवत आहे. विद्यमान सत्ताधारी शहर जनमत विकास आघाडीचे प्रभागातील सर्व इच्छुक आपला उमेदवारी अजेंड्याची छापील परिचयपत्रके घेऊन प्रचार करत आहेत; मात्र विरोधकांच्या आघाडी-युतीत अजून सन्नाटा आहे आणि केंद्र सरकारने पाचशे-हजारच्या नोटांवर बंदी आणल्याने मतदारराजाही शांत आहे.

शिवसेना-भाजप महायुतीचे चित्र अद्यापही गुलदस्त्यात आहे, तर राष्ट्रवादी काँग्रेसने प्रभागांमध्ये स्थानिक आग्रह विचारात घेऊन सत्ताधारी जनमत आघाडीविरोधात योग्य पर्यायी मित्रपक्षांची चाचपणी अजित पवार यांच्या सूचनेनुसार सुरू केली आहे. या पालिकेत भाजपला अद्याप खाते उघडायचे असून, युती झाल्यास निम्म्या जागांचा आग्रह धरण्याची शक्यता विचारात घेता शिवसेनेने सावध पवित्रा घेतला आहे. त्यामुळे भूमिका स्पष्ट न झाल्याने उमेदवार संभ्रमात आहेत. कदाचित सोमवारी आजी-माजी मंत्र्यांची बैठक होऊन हा मार्ग सुकर होण्याची शक्यता दोनही पक्षांचे ज्येष्ठ कार्यकर्ते व्यक्त करीत आहेत.

माजी मंत्री दादा जाधवराव-अजित पवार आणि राज्यमंत्री विजय शिवतारे यातून समान निवडणूक चिन्हाचा विचार करून मार्ग काढतील, अशी चिन्हे दिसत आहेत. एकंदरीत सत्ताधारी आघाडीविरोधात महायुती-आघाडीचे स्वरूप प्रभागांमध्ये राहील, तर नगराध्यक्षपदासाठी अनुसूचित जातीच्या एकाच नावावर शिक्कामोर्तब झाले तर काँग्रेसप्रणित जनमत विकास आघाडी आणि विरोधक अशी सरळ लढत होऊ शकते.

पेशाने डॉक्टर असलेले राजेश विजय दळवी यांनी घरोघरी जाऊन भेटण्यात सध्या तरी आघाडी घेतली आहे. जनमत आघाडीचे अनेक इच्छुक असून, अद्याप नगराध्यक्षपदाचा उमेदवार शोधायचा आहे. प्रभागरचना गुंतागुंतीची आणि किचकट असल्याने उमेदवारच गोंधळात आहेत.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *