facebook
Saturday , February 25 2017
Breaking News
Home / कोल्हापूर / रोजचे इन्सुलीन होईल हद्दपार

रोजचे इन्सुलीन होईल हद्दपार

आवाज न्यूज नेटवर्क

कोल्हापूर : सध्याच्या धावपळीच्या जगात मधुमेह ही सर्वांत मोठी समस्या होऊन बसली आहे. बदलत्या जीवनशैलीने आलेली खाद्यसंस्कृती, कामाचा ताण, व्यायामाचा अभाव अशी अनेक कारणे यामागे आहेत असे वैद्यकशास्त्र सांगते. मधुमेहाशी दोन हात करताना अनेकांना रोज नाईलाजाने इन्सुलीनचे डोस घ्यावे लागतात. मात्र, लवकरच या रोजच्या कटकटीतून मधुमेही व्यक्तींना काहीसा दिलासा मिळणार आहे. एक आठवडा ते एक महिना मधुमेह नियंत्रणात ठेवण्यासाठीच्या इन्सुलीनविषयीचे संशोधन सध्या सुरू आहे. आगामी एक वर्षात बाजारत येणार असे इन्सुलीन रुग्णांसाठी उपलब्ध असेल.

मधुमेह झालेल्या व्यक्ती त्यावर नियंत्रण ठेवण्यासाठी आटोकाट प्रयत्न करतात. मात्र मधुमेह झाला की, नाष्टा किंवा जेवणाआधी इन्सुलीन घ्यावे लागते. जेवणानंतर नियंत्रणासाठीची औषधे घ्यावी लागतात. सध्याच्या धावपळीच्या युगात वेळेत जेवण, औषधे घेणे कठीण आहे. रोजच्या इन्सुलीनच्या वापराचा कालावधी वाढवता येईल का याबाबत वैद्यकीय क्षेत्रात संशोधन सुरू आहे. किमान एक आठवडा ते एक महिना अशा कालावधीत इन्सुलीनच्या माध्यमातून नियंत्रण मिळविण्याचे प्रयत्न सुरू आहेत. याबाबत सध्या संशोधन सुरू असल्याचे नुकतेच दिल्ली येथे झालेल्या एका वैद्यकीय परिषदेमध्ये सांगण्यात आले होते.

तपासणी आवश्यकच

मधुमेहाच्या पडताळणीसाठी सध्या Hb1Ac ही टेस्ट उपलब्ध आहे, त्यातून ग्लायसेटेड हिमोग्लोबीचे प्रमाण मोजले जाते. यामध्ये तीन महिन्यांची सरासरी मोजली जाते. हे प्रमाण ६.५ ते ७ टक्क्यांच्या पुढे जावू नये. लोकांनी मधुमेह नियंत्रणासाठी Hb1Ac ही टेस्ट करणे आवश्यक आहे.

नवी दिल्लीत काही दिवसांपूर्वी झालेल्या वैद्यकीय परिषदेत मधुमेहावर नियंत्रण ठेवण्यासाठी इन्सुलीनच्या निर्मितीत नवे संशोधन सुरू असल्याची माहिती देण्यात आली. इन्सुलीन दररोज घेण्याऐवजी आठवड्यातून ‌किंवा महिन्यातून एकदा घ्यावे लागेल अशा प्रकारचे प्रयत्न सुरू आहेत. त्याचा मधुमेही रुग्णांना फायदा होईल.

– डॉ. प्रल्हाद केळवकर, मधुमेह तज्ज्ञ

Check Also

वाहतूकदारांचा शुल्कवाढीला विरोध

केंद्रीय मोटार वाहन नियमांतील विविध शुल्कात पाचपट वाढ केल्याच्या निषेधार्थ बुधवारी कोल्हापूर डिस्ट्रीक्ट लॉरी ऑपरेटर्स …

Leave a Reply

Your email address will not be published. Required fields are marked *