facebook
Saturday , December 10 2016
Home / Featured / आठ तासांत दोन स्फोट
55406133

आठ तासांत दोन स्फोट

आवाज न्यूज नेटवर्क

पुणे

कुरकुंभ औद्योगिक वसाहतीत अल्कली अमाइन्स कारखान्यात स्फोट होऊन दोन कामगार जखमी झाले आहेत. त्यापैकी एकाची प्रकृती चिंताजनक असून, दोघांनाही उपचारांसाठी पुण्यात हलवण्यात आले आहे. कारगिल फूड्स प्रायव्हेट लिमिटेड या कंपनीत झालेल्या स्फोटात पाच कामगार होरपळल्याच्या घटनेनंतर आठच तासांना औद्योगिक वसाहतीत हा दुसरा स्फोट झाला.

स्फोटाच्या आवाजाने जवळपासच्या परिसरात एकच घबराट झाली. कंपनीजवळच्या मुकादम वस्तीवरील नागरिक स्फोटाच्या आवाजाने घराबाहेर आले. हा आवाज दीड-दोन किलोमीटर अंतरापर्यंत ऐकू गेला. सूरज भारत आव्हाड असे गंभीर जखमी झालेल्याचे नाव असून, हरी अप्पू नायर किरकोळ जखमी झाला आहे. शनिवारी रात्री साडेदहाच्या सुमारास ही घटना घडली. कंपनीकडून याबाबत कोणतीही माहीती देण्यास नकार देण्यात आला. पोलिसांनादेखील गेटवरच थांबवण्यात आले होते.

या भागात तीन महिन्यांत आगीच्या आणि स्फोटाच्या चार दुर्घटना घडल्या असून, आधीच वायू आणि जलप्रदूषणाने त्रस्त असलेल्या परिसराला आता मोठ्या स्फोटांच्या भीतीने ग्रासले आहे. १९ सप्टेंबरला कुरकुंभ औद्योगिक वसाहतीतील इटर्निस कंपनीत स्फोट झाला होता. या स्फोटात दोन जण जखमी, तर दोन जण जागीच ठार झाले होते. त्यानंतर ११ ऑक्टोबरला पटनी फोम या कंपनीला भीषण आग लागली होती. अग्निशामक दलाच्या दोन बंबांनी दीड तासात आठ फेऱ्या केल्यानंतर ही आग आटोक्यात आली होती. त्यामुळे या दुर्घटनांची दखल घेऊन योग्य ती कार्यवाही करण्याची, काळजी घेण्याची आणि सुरक्षिततेचे उपाय राबवण्याची मागणी विविध पातळ्यांवरून केली जात आहे.

Check Also

pal

पाळणाघरांची दोरी आता सरकारच्या हाती‌‌

खारघरमधील पाळणाघरात मुलीला अमानुष मारहाण झाल्याच्या पार्श्वभूमीवर सरकारने शुक्रवारी महत्त्वाची घोषणा केली. आता राज्यातील सर्व …

Leave a Reply

Your email address will not be published. Required fields are marked *