facebook
Monday , December 5 2016
Home / Featured / बँका आज बंद राहणार
laxmipuri

बँका आज बंद राहणार

आवाज न्यूज नेटवर्क

कोल्हापूर

मोजकीच एटीएम काही काळ उघडी व बहुतांशवेळ बंद, बँकेत गेल्यास पैसे संपलेले, त्यासाठी विविध बँकांमध्ये मारले जाणारे हेलपाटे, तेथील भल्या मोठ्या रांगा यामुळे सामान्य नागरिकांच्या संयमाची सलग चौथ्या दिवशी परीक्षाच घेतली. तशातच एका व्यक्तीला प्रति दिवस एका बँकेमध्ये एकदाच व्यवहार करता येईल, अशी जाचक अट घातल्याने अडवणुकीत आणखी वाढच झाली आहे. बाजारात सुट्या पैशांची वानवा आहे. अशाचत बहुतांश बँकांमधून दोन हजार रुपयांच्या नोटा देण्यात येत असल्याने त्यांचा वापर करण्यासाठी नागरिकांना धावाधाव करावी लागत आहे. एकंदरीतच नागरिकांना स्वतःचे पैसे मिळवण्यापासून ते खर्च करण्यासाठीही आटापिटा करावी लागत असल्याने संताप व्यक्त होत आहे.

दरम्यान, सोमवारी बँका बंद राहणार असल्याने या त्रासामध्ये आणखीनच भर पडणार आहे. गेल्या दोन दिवसांपेक्षा रविवारचा दिवस आणखीनच त्रासदायक होता. सरकारी कार्यालयांना सुटी असल्याने नोकरदारांनी सकाळी नऊ वाजल्यापासून बँकांच्या दारात रांग लावली होती. आयसीआयसीआय, आयडीबीआय, एचडीएफसी, एसबीआय या बँकांची एटीएम सकाळी सुरू होती. एटीएम मोजकीच सुरू असल्याने त्यांच्यासमोर प्रचंड रांगा होत्या.

‘महावितरण’कडे ५ कोटी ९८ जमा

महावितरणकडे १२ नोव्हेंबर रोजी दिवसभरात पाच कोटी ९८ लाख रुपये जमा झाले. दरम्यान, उद्या (१४ नोव्हेंबर) रात्री बारा वाजेपर्यंत बिल भरणा केंद्रांवर पाचशे आणि हजार रुपयांच्या नोटा स्वीकारण्यात येणार असल्याची माहिती जनसंपर्क अधिकार विकास पुरी यांनी दिली.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *