facebook
Thursday , December 8 2016
Home / Featured / मोदीनी घेतली २५ कोटी रुपये लाच – अरविंद केजरीवाल
kejriwal-3

मोदीनी घेतली २५ कोटी रुपये लाच – अरविंद केजरीवाल

दिल्ली-

दिल्ली विधानसभेच्या एकदिवसीय विशेष अधिवेशनात बोलताना केजरीवाल यांनी मोदींवर निशाणा साधला. पंतप्रधान नरेंद्र मोदी आपल्या ‘उद्योगपती मित्रां’ना संरक्षण देत आहेत. हे उद्योगपती मोदींना पैसे पुरवतात. त्या बदल्यात प्राप्तिकर विभाग या उद्योगपतींच्या निवासस्थानावर छापे घालणार नाही, याची काळजी पंतप्रधान घेतात, असा आरोप केजरीवाल यांनी केला.

पंतप्रधान नरेंद्र मोदी यांनी गुजरातचे मुख्यमंत्री असताना आदित्य बिर्ला समूहाकडून २५ कोटींची लाच घेतली, असा खळबळजनक आरोप दिल्लीचे मुख्यमंत्री अरविंद केजरीवाल यांनी मंगळवारी केला. निश्चलनीकरणाचा निर्णय हा ‘कडक चहा’ नव्हे तर ‘आम आदमी’साठी विषासारखा आहे, अशा शब्दांत केजरीवाल यांनी नोटाबंदीच्या निर्णयावर टीका केली.

१५ ऑक्टोबर २०१३ रोजी प्राप्तिकर विभागाने आदित्या बिर्ला समूहाचे तत्कालीन पदाधिकारी शुभेंदू अमिताभ यांच्या निवासस्थानावर छापे घातले होते. त्यांचा ब्लॅकबेरी फोन, लॅपटॉप आदींची तपासणी करण्यात आली. लॅपटॉपमध्ये १६ नोव्हेंबर २०१२ रोजी नरेंद्र मोदी गुजरातचे मुख्यमंत्री असताना त्यांना २५ कोटींची लाच दिल्याची नोंद प्राप्तिकर विभागाला आढळल्याचा आरोप केजरीवाल यांनी केला आहे.

प्राप्तिकर विभागाने याबाबत सादर केलेल्या अहवालासंदर्भात तत्कालीन काँग्रेसप्रणीत यूपीए सरकारने कोणतीही कारवाई केली नाही. नरेंद्र मोदी यांचे नाव पंतप्रधानपदाचे उमेदवार म्हणून पुढे आले असताना तरी त्या वेळी सत्तेवर असलेल्या काँग्रेसने त्यांच्या विरोधात कारवाई करायला हवी होती. मात्र तशी कारवाई न झाल्याने भाजप आणि काँग्रेस यांच्यात ‘व्यवहार’ झाल्याचे म्हणायला हवे.

Check Also

aawaz-news-image

‘पोलिसांची भीती मनातून काढून टाका’

आवाज न्यूज नेटवर्क – जळगाव – कायदा वा नियम हे समाजाच्या भल्यासाठीच असून, त्यांचे जो …

Leave a Reply

Your email address will not be published. Required fields are marked *