facebook
Saturday , April 29 2017
Breaking News
Home / Featured / जन्म-मृत्यूच्या नोंदीच गहाळ

जन्म-मृत्यूच्या नोंदीच गहाळ

आवाज न्यूज नेटवर्क –

जळगाव – महापालिकेच्या जन्म-मृत्यू विभागातील नोंदीची कागदपत्रे अत्यंत जीर्ण झाली आहेत. या कागदपत्रांना लॅमिनेशन करण्याचा निर्णय झाला असला, तरी त्यास अद्याप मुहूर्त मिळालेला नाही. जुन्या रेकॉर्डमधील अनेक नोंदी व पाने गहाळ झाली आहेत. याबाबत पोलिसात तक्रार करण्याच्या सूचना आयुक्तांनी आरोग्य अधिकारी यांना केल्या आहेत.

जळगाव शहर महानगरपालिकेच्या तिसऱ्या मजल्यावरील जन्म-मृत्यू विभागात जळगाव नगरपालिका असतानापासूनच्या नोंदीचे रजिस्टर, फाइल्स व कागदपत्रे उपलब्ध आहेत. त्यात सन १९०१ पासूनचे रेकॉर्ड आहे. यातील ७० ते ८० वर्षांपूर्वीचे रेकॉर्ड अत्यंत जीर्ण झाले आहे, तर काही रजिस्टर गहाळ झाले आहेत, नोंदीची पाने गायब झाली आहेत. काहींची पाने फाटली आहेत. नोंदी सापडत नसल्याने नागरिकांना दाखले मिळण्यासाठी चकरा माराव्या लागत आहेत. या सर्व रेकॉर्डचे संगणकीकरण करण्याचा मनपा प्रशासन विचार करीत आहे. त्या दृष्टीने प्रशासनाने तयारी सुरू केली आहे. गहाळ झालेल्या या रेकॉर्डबाबत पोलिसात तक्रार करण्याची टिपणी देऊन दीड वर्ष झाल्यानंतरदेखील त्यावर कार्यवाही न केल्याने आयुक्त जीवन सोनवणे यांनी आरोग्य अधिकारी डॉ. विकास पाटील यांच्याशी चर्चा करून तक्रार करण्याबाबत सूचना दिल्या आहेत.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *