facebook
Tuesday , April 25 2017
Breaking News
Home / Featured / नोटाबंदीमुळं देशभरात ३३ जणांचा मृत्यू

नोटाबंदीमुळं देशभरात ३३ जणांचा मृत्यू

आवाज न्यूज नेटवर्क –

पुणे – पाचशे आणि एक हजारच्या नोटा चलनातून बाद झाल्यानंतर गेल्या आठ दिवसांमध्ये देशाच्या विविध भागांमध्ये ३३ जणांचा मृत्यू झाल्याचे समोर आले आहे.

मृत्युमुखी पडलेल्या व्यक्ती प्रत्यक्षपणे किंवा अप्रत्यक्षपणे नोटाबंदीनंतरच्या घटनांशी संबंधित आहेत. नोटा बदलण्याच्या रांगेत काही जणांचा मृत्यू झाला आहे, तर नोटाबंदीच्या निर्णयानंतर हृदयविकाराच्या धक्क्याने मृत्यू झालेल्यांचाही समावेश आहे.

राजगुरुनगर मध्ये बँक कर्मचाऱ्याचा मृत्यू

पुण्याच्या राजगुरुनगर येथील भारतीय स्टेट बँकेत वरिष्ठ शिपाई पदावर काम करणाऱ्या कर्मचाऱ्याचा ड्युटीवर असतानाच हृदयविकाराच्या तीव्र झटक्याने बुधवारी मृत्यू झाला. तुकाराम गेनू तनपुरे (वय ५६, रा. वडगाव पाटोळे) असे कर्मचाऱ्याचे नाव आहे. नोटाबंदीमुळे बँकेत सध्या ग्राहकांची मोठी गर्दी होत आहे. मोठ्या संख्येने येणाऱ्या ग्राहकांच्या गर्दीवर नियंत्रण ठेवण्यासाठी कर्मचांऱ्यांना ताण सहन करावा लागत आहे. तुकाराम तनपुरे यांना कामावर असतानाच छातीत त्रास होऊ लागल्याने ते बँक व्यवस्थापकांच्या कार्यालयातील समोरच्या खुर्चीवर जाऊन बसले. तनपुरे त्यांच्या जागेवर नसल्याचे निदर्शनास आल्याने इतर कर्मचाऱ्यांनी त्यांचा शोध घेतला असता व्यवस्थापकांच्या समोरच्या खुर्चीवर ते शांतपणे बसल्याचे आढळून आले. या वेळी त्यांनी तनपुरे यांना उठविले असता ते खाली पडले. त्यांना हॉस्पिटलमध्ये नेले. मात्र, डॉक्टरांनी त्यांना मृत घोषित केले.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *