facebook
Saturday , February 25 2017
Breaking News
Home / Featured / ‘पदासाठी ते सर्व पक्ष फिरले’

‘पदासाठी ते सर्व पक्ष फिरले’

आवाज न्यूज नेटवर्क – 

अहमदनगर – माझा पक्ष कोणता आहे, हे विचारणाऱ्या राजीव राजळे यांनी आतापर्यंत किती पक्षांची वाट लावत आपल्या कार्यकर्त्यांच्या हातात रिकाम्या झोळ्या दिल्या, याचा हिशेब द्यावा, अशी टीका केदारेश्वर कारखान्याचे अध्यक्ष प्रताप ढाकणे यांनी केली.

जगदंबा विकास आघाडीच्या उमेदवारांच्या प्रचारार्थ आयोजित सभेत ढाकणे बोलत होते. राष्ट्रवादी काँग्रेसचे जिल्हाध्यक्ष चंद्रशेखर घुले अध्यक्षस्थानी होते. बाळासाहेब ताठे, माजी नगराध्यक्ष लक्ष्मण डोमकावळे, रत्नमाला उदमले, वंदना टेके, प्रभावती ढाकणे, अमोल बडे, सीताराम बोरुडे, माऊली केळगंद्रे, डॉ. राजेंद्र खेडकर, तुकाराम पवार, फारुक शेख, शन्नो पठाण, आघाडीचे नगराध्यक्षपदाचे उमेदवार बंडू बोरुडे आदी या वेळी उपस्थित होते. दिगंबर गाडे यांनी या वेळी राष्ट्रवादी काँग्रेसमध्ये प्रवेश केला. आघाडीचा वचननामा प्रसिद्ध करण्यात आला.

ढाकणे यांनी पालिकेतील सत्ताधाऱ्यांनी कसा भ्रष्टाचार केला त्याची कागदपत्रे दाखवत टीका केली. ते म्हणाले, कोणाचा विश्वासघात करणे माझ्या रक्तात नाही. तीन जणांना नगराध्यक्षपदाचे तिकीट देतो, असे सांगत नादाला लावले व कोणताही उपद्रवमूल्य नसणारा उमेदवार देत बाकीच्यांची बोळवण केली. अभय आव्हाड यांना एका दाराने आत बोलावले तर दुसऱ्या दाराने बाहेर काढले. भाजपच्या सभेत एक जण सांगतो की पालिका चांगली चालवली तर नगराध्यक्षपदाचा उमेदवार सांगतो पालिका ठेकेदारने चालवली. मोनिका राजळे सांगतात शहरासाठी ४० कोटी रुपये आणले मग विकास नेमका कोठे झाला, ते तरी त्यांनी सांगावे. पालिकेतील सत्ताधाऱ्यांनी दहा लाख रुपयांचा बोगस खर्च प्रवासावर दाखवला. हा खर्च करताना त्यांनी दुचाकी वाहनांचा वापर केला असल्याचे कागदपत्रे सांगतात. उन्हाळ्यात जनता पाण्यासाठी फिरत असताना आमदार कोठे गेले होते. पक्षाच्या ज्येष्ठ नेत्यांशी विचार विनीमय करून आम्ही आघाडी तयार केली. राजळेंनी मात्र पदासाठी एकही पक्ष सोडला नाही. पालिकेतील सत्ता ही राजळेंच्याच ताब्यात होती. सर्वांनी मिळून भ्रष्टाचार करण्याचा एकमेव उद्योग केला.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *