facebook
Sunday , April 30 2017
Breaking News
Home / औरंगाबाद / पाचशेच्या नोटा फाडून फेकल्या

पाचशेच्या नोटा फाडून फेकल्या

आवाज न्यूज लाईन

औरंगाबाद-

चलनातून बाद करण्यात आलेल्या पाचशे रुपयांच्या शेकडो नोटा साईनगर भागात रस्त्यालगत फेकून देण्यात आल्याचा प्रकार गुरुवारी सकाळी उघड झाला. त्याचबरोबर सूत गिरणी चौकात एकाने पाचशे रुपयांच्या नोटा फाडून रस्त्यालगत फेकून दिल्या.

केंद्र सरकारने पाचशे आणि हजार रुपयांच्या नोटा चलनातून रद्द केल्या आहेत. नागरिकांकडे असलेल्या नोटा बँकेत भरण्यासाठी आणि बदलून देण्यासाठी सरकारने मुदत दिली आहे. नोटा बँक खात्यावर भरण्यासाठी, बदलून घेण्यासाठी बँकांत नागरिकांच्या रांगा आहेत. असे असताना दुसरीकडे बेहिशेबी पैसा फेकून देण्याची वेळ काही जणांवर आली आहे. गारखेडा परिसरातील साईनगर भागात रस्त्यालगत पाचशे रुपयांच्या अनेक नोटा फाडून फेकण्यात आल्याचे नागरिकांच्या निदर्शनात आले. काळ्या रंगाच्या एका मोठ्या कॅरिबॅगमध्ये या नोटा होत्या, असे प्रत्यक्षदर्शींनी सांगितले. काही मिनिटांत हा बातमी परिसरात पसरली आणि तेथे बघ्यांची गर्दी जमा झाली. काहींनी उत्सुकतेपोटी नोटा उचलल्या. या फाटक्या नोटांत एखादी न फाटलेली नोट सापडते का, याचा शोध काहींनी घेतला. अनेकांनी फाटलेल्या नोटा नेल्याचे प्रत्यक्षदर्शींनी सांगितले. दुपारी बाराच्या सुमारास ही माहिती समजल्यानंतर जवाहनगर आणि मुकुंदवाडी ठाण्यांचे पोलिस घटनास्थळी आले. पोलिस येईपर्यंत फाटलेल्या अनेक नोटा नागरिकांनी नेल्या होत्या. पोलिसांनी नोटांचे काही तुकडे नेले.

सूत गिरणी चौकातही नोटा

सूत गिरणी चौकात सकाळी अकराच्या सुमारास एका व्यक्तीने पाचशे रुपयांच्या नोटा फाडून फेकल्या. चौकातील एका देशी दारुच्या दुकानालगत एक व्यक्ती पाचशे रुपयांच्या जुन्या नोटा फाडून फेकत आहे, अशी माहिती जवाहरनगर पोलिसांना मिळाल्यानंतर निरीक्षक मनीष कल्याणकर घटनास्थळी गेले. तोपर्यंत ती व्यक्ती निघून गेली. पोलिसांनी फाडलेल्या नोटा ताब्यात घेतल्या. घटनास्थळी एका आधारकार्डाची छायाप्रत सापडली. त्यावर इम्रान कोरबू असे नाव लिहिले आहे, असे पोलिसांनी सांगितले.

Check Also

गोवंश हत्याबंदीला सुप्रीम कोर्टात आव्हान

गोवंश हत्याबंदी दुरुस्ती कायदा रद्द करण्याबाबतची जनहित याचिका मुंबई हायकोर्टाच्या औरंगाबाद खंडपीठाने फेटाळली होती. या …

Leave a Reply

Your email address will not be published. Required fields are marked *