facebook
Saturday , December 3 2016
Home / कोल्हापूर / अंबाबाई मंदिरातील दानपेटीत ३५ लाखांची रक्कम
money-from-temple

अंबाबाई मंदिरातील दानपेटीत ३५ लाखांची रक्कम

आवाज न्यूज लाईन

कोल्हापूर  –

श्री अंबाबाई देवीच्या मंदिरातील सात दानपेट्यांमधून ३५ लाखांवर रक्कम जमा झाली. ही रक्कम बँकेत भरण्यात आली आहे. बुधवारपासून मंदिरातील दानपेट्या उघडण्यात आल्या आहेत. गुरुवारअखेर सात पेट्यांमधील रकमेची मोजदाद करण्यात आली. त्यात ३५ लाख २३ हजार ६७९ अधिक रक्कम मिळाली. शनिवारपर्यंत उर्वरित नऊ पेट्यांची मोजदाद होणार आहे.

पश्चिम महाराष्ट्र देवस्थान व्यवस्थापन समितीच्या अखत्यारित कोल्हापूर, सांगली, सिंधुदुर्ग या जिल्ह्यातील ३०६५ मंदिरे आहेत.

गुरुवारी सकाळी ९ पासून गरुड मंडप येथे गाभाऱ्यातील एक नबंरची पेटी उघडण्यात आली. यामध्ये २५ लाखाची रक्कम मिळाली. सायंकाळी सरस्वती देवी मंदिराजवळील हुंडी उघडण्यात आली. यामध्ये १ लाख ७० हजारांची रक्कम मिळाली. शुक्रवारी गाभाऱ्यातील दोन नंबरची दानपेटी उघडण्यात येणार आहे.

या दानपेट्यातील दान मोजण्यासाठी ५० कर्मचारी असून यामध्ये पश्चिम महाराष्ट्र देवस्थान व्यवस्थापन समितीचे सहसचिव एस. एस. साळवी, व्यवस्थापक धनाजी जाधव, बँकेचे व्यवस्थापक नवीन कुमार, संजय जाधव, प्रशांत मिशरा, कुमारसिंग देसाई आदींचा समावेश आहे.

Check Also

news-15

आठ डिसेंबरला महापौर निवड

आवाज न्यूज नेटवर्क – कोल्हापूर – महापालिकेच्या महापौर आणि उपमहापौरपदासाठी आठ डिसेंबर रोजी निवडणूक होत …

Leave a Reply

Your email address will not be published. Required fields are marked *