facebook
Saturday , December 3 2016
Home / Featured / पैठण तालुक्यात पेटले ऊस आंदोलन
2328

पैठण तालुक्यात पेटले ऊस आंदोलन

आवाज न्यूज लाईन

ओरंगाबाद

तालुक्यामध्ये उसाचे आंदोलन गुरुवारी चांगलेच पेटले. भाव जाहीर केल्याशिवाय एकाही साखर कारखान्याला तालुक्यातून ऊस घेऊन जावू देणार नाही, असा पवित्रा घेत, ऊस उत्पादक व शेतकरी संघटनेने ऊस वाहतूक रोखून धरली. त्यामुळे ऊस वाहतूक करणाऱ्या वाहनांच्या दोन किलोमीटरपर्यंत रांगा लागल्या होत्या.

उसाचे भाव जाहीर करा यासाठी तालुक्यातील ऊस उत्पादक शेतकरी कृती समितीतर्फे शेजारील तालुके व जिल्ह्यातील साखर कारखान्यांना निवेदने दिले आहे. भाव जाहीर केल्याशिवाय ऊस तोड करू नये, तालुक्यातील ऑफिस बंद ठेवावे, असे निवेदनात सांगण्यात आले होते. पण, साखर कारखान्यांनी भाव जाहीर करण्याबद्दल सकारात्मक निर्णय न घेतल्याने संतप्त शेतकरी व संघटनांनी बुधवारी चार तास ऊस वाहतूक रोखली होती. त्यानंतरही कारखान्यांनी भाव जाहीर न केल्यामुळे गुरुवारी पाटेगाव पुलाजवळ ऊस वाहतूक रोखून धरण्यात आली.

कृती समितीची भाव जाहीर करण्याची मागणी मान्य करण्यास बहुतांशी साखर कारखान्याच्या प्रतिनिधींनी हतबलता दाखवल्याने कृती समितीने आक्रमण धोरण अवलंबिले आहे. त्यामुळे पाटेगाव पुलाजवळ ऊस वाहतूक रोखल्यानंतर कारखानदारांचे प्रतिनिधी व नायब तहसीदारांनी धाव घेतली. त्यांनी मध्यस्थी करत विविध पातळ्यांवरील अधिकाऱ्यांसोबत बोलणे घालून दिले. पण, अपेक्षित तोडगा निघत नसल्याने सायंकाळी सात वाजेपर्यंत आंदोलन सुरूच होते. पैठण शेवगाव रस्त्यावर दोन्ही बाजुने दोन किलोमीटरपर्यंत रांगा लागल्या. त्यामुळे इतर वाहतुकीवर परिणाम झाला.

कारखानदारांवर अविश्वास
उसाची वाहने अडवल्यानंतर कारखानदारांच्या प्रतिनिधींनी एफआरपीप्रमाणे उसाचे पेमेंट करू, असे आश्वासन दिले. पण, पूर्वानुभव लक्षात घेता, कारखाने एफआरपी मॅनेज करू शकतात म्हणून आमचा एफआरपीवर विश्वास नाही. तालुक्यातून ऊस न्यायचा असेल, तर २५०० रुपये पहिला हप्ता जाहीर करा, त्यानंतरच ऊस घेऊन जा, असा पवित्रा कृती समितीने घेतला आहे.

नायब तहसीलदारांची धाव
पैठणच्या नायब तहसीलदार सुनंदा पारवे यांनी आंदोलकर्त्यांची आंदोलनाठिकाणी भेट घेतली. त्यांनी जिल्हाधिकारी व साखर आयुक्तालयातील संबंधित अधिकाऱ्यांचे आंदोलनकर्त्यांसोबत बोलणे करून दिले. मात्र, आंदोलक मागणीवर ठाम राहिल्याने नायब तहसीलदार आंदोलनाच्या ठिकाणावरून निघून गेल्या. त्यामुळे संध्याकाळी सात वाजेपर्यंत आंदोलन सुरूच होते.

नाक दाबल्यावर उघडले तोंड
तालुक्यातील एकही साखर कारखाना सुरू नसल्याने सध्या शेजारील तालुके व जिल्ह्यातील साखर कारखाने तालुक्यातील ऊस नेत आहेत. या आंदोलनाचा फटका या सर्व कारखान्यांना बसला आहे. मात्र, गंगाखेड शुगर कंपनीने २५०० रुपये, केज येथील येडेश्वर साखर कारखान्याने २६०० रुपये व वैद्यनाथ साखर कारखान्याने ३००० रुपये भाव देण्याचे जाहीर केल्यानंतर या कारखान्याची वाहने आंदोलकांनी अडवली नाहीत.

मागचा अनुभव बघता, कारखाने एफआरपी मॅनेज करत आहेत. एफआरपीप्रमाणे पैसे मिळवण्यास शेतकऱ्यांना मोठ्या अडचणी आल्याचा अनुभव आहे. त्यामुळे २५०० रुपये पहिला हप्ता जाहीर केल्याशिवाय आंदोलन मागे घेणार नाही.
– चंदकांत झारगड, ऊस उत्पादकउत्पादक

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *