facebook
Sunday , December 4 2016
Home / मुंबई / सरकारी योजनांचे त्रयस्थ ऑडिट
state-govt

सरकारी योजनांचे त्रयस्थ ऑडिट

मुंबई: राज्य सरकारकडून सर्वसामान्यांच्या हितासाठी कोट्यवधी रुपयांच्या योजना सुरू करण्यात आल्या असल्या तरी त्याचा जनतेला खरंच फायदा होतो की, मधल्या मध्ये काहीजण स्वतःचे उखळ पांढरे करून घेतात, हे तपासण्यासाठी सरकारनेच आता त्रयस्थ संस्था नेमण्याचा निर्णय घेतला आहे. या ‘थर्ड पार्टी ऑडिट’मधून योजनांचा खर्च नेमका कसा करावा याचा ताळेबंद तयार होईलच. शिवाय, या संस्थांनी तयार केलेल्या प्रगतीपुस्तकात ज्या विभागाचे अधिकारी ‘अव्वल’ ठरतील त्यांना प्रोत्साहनपर लाभ म्हणून उच्च शिक्षणासाठी परदेश दौऱ्यावर पाठविण्यात येणार आहे.सरकारी योजनांचा निधी नेमका कशाप्रकारे खर्च होत आहे आणि त्यातून काय फायदा होतो याचा ताळेबंद तयार झाल्यास संबंधित खर्चाचे नियोजन अधिक चांगल्या प्रकारे करणे शक्य आहे. त्यामुळे वित्त विभागाने प्रत्येक खात्याच्या कामगिरीचे मोजमाप करण्याचे ठरवले आहे. यासाठी त्रयस्थ संस्थेमार्फत तपासणी करण्यात येणार असून या संस्थांमध्ये ‘अ’ दर्जाची विद्यापीठे, राष्ट्रीय स्तरावरील महत्त्वाच्या संस्था ‌किंवा केंद्र आणि राज्य सरकारच्या मालकीच्या संस्थांचा सहभाग असेल. वित्त विभागातील प्रधान सचिवांच्या अध्यक्षतेखालील एक समिती या निविदा काढून त्रयस्थ संस्था निवडणार आहे.

Check Also

news-1

दहावीनंतरच्या करिअरबाबत मार्गदर्शन

आवाज न्यूज नेटवर्क – मुंबई – दहावीची परीक्षा सर्वच विद्यार्थ्यांच्या करिअरमधली अत्यंत महत्त्वाची परीक्षा मानली …

Leave a Reply

Your email address will not be published. Required fields are marked *