facebook
Monday , December 5 2016
Home / Featured / ग्रामपंचायतींची तपासणी सुरू
aawaz-news-image

ग्रामपंचायतींची तपासणी सुरू

आवाज न्यूज नेटवर्क – 
अहमदनगर – जिल्ह्यातील ग्रामपंचायतींचे दप्तर तपासण्याची मोहिम जिल्हा परिषदेने सुरू केली आहे. या मोहिमेत ग्रामपंचायतींचे आर्थिक व्यवहार व इतर महत्वाच्या बाबींची तपासणी केली जाणार आहे. जिल्हा परिषदेने ही मोहिम सुरू केल्याने गावपातळीवर सरपंच आणि ग्रामसेवकांची धावपळ सुरू झाली आहे. या तपासणीसाठी ग्रामपंचायत विभागाने पन्नास अधिकाऱ्यांचे पथक तयार केले असून एका महिन्यात अडीचशे ग्रामपंचायती तपासल्या जाणार आहेत. दरम्यान, चौदाव्या वित्त आयोगाचा कोट्यवधी रुपयांचा निधी थेट ग्रामपंचायतींना दिला गेल्याने या बाबतीत खबरदारी म्हणून ही मोहिम आखण्यात आल्याचे बोलले जात आहे.
जिल्ह्यात आजमितीस तेराशे ग्रामपंचायती आहेत. या ग्रामपंचायतींचे कामकाज कशा पद्धतीने केले जाते. ग्रामपंचायतीत गैरव्यवहार होण्याचे प्रकार वाढले आहेत. त्यामुळे येथील कामकाजाची माहिती तपासणे आवश्यक झाले होते. त्यानुसार जिल्हा परिषदेच्या ग्रामपंचायत विभागाने ग्रामपंचायतींची दप्तर तपासणी सुरू केली आहे. या मोहिमेत ग्रामपंचायतींच्या आर्थिक व्यवहारासह इतर वीस महत्वाच्या बाबींची तपासणी केली जाणार आहे. या कामासाठी गट विकास अधिकाऱ्यांसह इतर अधिकाऱ्यांचे पथक तयार करण्यात आले आहे. या पथकाकडून तपासणी केली जाणार आहे. ग्रामपंचायतींना सरकारकडून थेट निधी दिला जात आहे. हा निधी कसा खर्च करायचा हे देखील ग्रामपंचायतीच ठरवणार आहेत. या निधीत गैरव्यवहार होण्याचीही शक्यता अधिकाऱ्यांना वाटत आहे. त्यामुळे ग्रामपंचायतींचे रेकॉर्ड व्यवस्थित असणे अधिकाऱ्यांना महत्वाचे वाटत असल्याने तपासणी सुरू करण्यात आली आहे.

Check Also

news-4

बारा हजार सेटटॉप बॉक्स

आवाज न्यूज नेटवर्क –  अहमदनगर – शहरी भागातात फेज थ्री मध्ये सेटटॉप बॉक्स बसविण्याची कार्यवाही …

Leave a Reply

Your email address will not be published. Required fields are marked *