facebook
Monday , December 5 2016
Home / Featured / जळगाव महापालिका बरखास्तीची मागणी
jalgaon-nagarpalika

जळगाव महापालिका बरखास्तीची मागणी

आवाज न्यूज नेटवर्क – 
जळगाव – जळगाव महापालिकेत मोठ्या प्रमाणात घोटाळे झाले आहेत. भ्रष्टाचारासह अनेक बेकायदेशीर बाबी आजी-माजी अधिकारी व पदाधिकारी यांनी केल्या आहेत. त्यांच्या संपत्तीची चौकशी करून महापालिका बरखास्त करावी, पालिकेवर प्रशासकाची नेमणूक करावी अशी मागणी जस्टीस फॉर पीपल सोसायटीचे एन. जे. पाटील यांनी पत्रकार परिषदेद्वारा केली.

जळगाव महापालिकेत गेल्या अनेक वर्षात झालेल्या घोटाळ्यांच्या चौकशी करण्यात यावी, गोलाणी मार्केट घोटाळाप्रकरणी गुन्हा दाखल करावा, अशी मागणी पाटील यांनी केली. महापालिकेत ज्या कर्मचाऱ्यांची भरती झाली आहे, ती भरती बोगस असल्याचे त्यांनी म्हटले आहे. मोठ्या प्रमाणात कर गोळा केला जातो. पण त्या तुलनेत सुविधा देण्यात येत नाहीत. कर्मचारी वेतन आणि भ्रष्टाचारात कराचा पैसा जात असल्याचा आरोप त्यांनी केला आहे. शाससनाने महापालिका बरखास्त करावी, घोटाळ्यांप्रकरणी आजी-माजी अधिकारी व पदाधिकारी यांच्या संपत्तीची चौका करण्यात यावी, गाळेधारकांचा निर्णय घेण्याचे अधिकार शासनाकडे द्यावेत, करवसुली बंद करावी किंवा त्या रक्कमेतून केवळ नागरी सुविधांचाच खर्च व्हावा, असेही एन. जे. पाटील यांनी म्हटलेआहे. या मागण्यांवर येत्या ६० दिवसांत विचार न झाल्यास कोर्टात जनहित याचिका दाखल करण्याचा इशारा त्यांनी दिला आहे.

Check Also

news-4

बारा हजार सेटटॉप बॉक्स

आवाज न्यूज नेटवर्क –  अहमदनगर – शहरी भागातात फेज थ्री मध्ये सेटटॉप बॉक्स बसविण्याची कार्यवाही …

Leave a Reply

Your email address will not be published. Required fields are marked *