facebook
Saturday , February 25 2017
Breaking News
Home / औरंगाबाद / पालिकेचे वाचनालय पाच दिवसांपासून बंद

पालिकेचे वाचनालय पाच दिवसांपासून बंद

औरंगाबाद ः महापालिकेचे रोशनगेट येथील वाचनालय (वाचन केंद्र) पाच दिवसांपासून बंद असून, त्यामुळे वाचकांची गौरसोय होत आहे, अशी तक्रार जनजागरण समितीचे अध्यक्ष माजी नगरसेवक मोहसीन अहेमद यांनी महापालिकेचे आयुक्त ओम प्रकाश बोकोरिया यांच्याकडे केली आहे.
रोशनगेट जवळील सर सय्यद कॉलेजच्या शेजारी पालिकेचे वाचन केंद्र आहे. तेथे विद्यार्थी, महिला, ज्येष्ठ नागरिक नियमित दुपारी चार ते रात्री आठदरम्यान वाचन करण्यासाठी येतात, परंतु पाच दिवसांपासून हे केंद्रच बंद अाहे. त्यामुळे या सर्वांची गैरसोय होऊ लागली आहे, असे मोहसीन अहेमद यांनी म्हटले आहे.
वाचन केंद्र सुरू करण्यात यावे. त्यावर फलक लावून तेथे वाचन केंद्राच्या वेळा लिहिव्यात, पिण्याच्या पाण्याची व्यवस्था करण्यात यावी, तुटलेली संरक्षक भींत दुरुस्त करण्यात यावी, अशा मागण्याही त्यांनी आयुक्तांकडे केली आहे.

दोन दिवसांत केंद्र सुरू
यासंदर्भात ‘मटा’ प्रतिनिधीने पालिकेच्या ग्रंथपाल समता लोंढे यांच्याशी संपर्क साधला असता त्या म्हणाल्या,‘वाचन केंद्रातील कर्मचारी हज यात्रेसाठी गेल्यामुळे दोन दिवसांपासून ते केंद्र बंद आहे. पर्यायी व्यवस्था करण्याचा प्रयत्न सुरू आहे. येत्या दोन-तीन दिवसांत कर्मचारी उपलब्ध करून देऊन वाचन केंद्र सुरू केले जाईल.’

Check Also

गोवंश हत्याबंदीला सुप्रीम कोर्टात आव्हान

गोवंश हत्याबंदी दुरुस्ती कायदा रद्द करण्याबाबतची जनहित याचिका मुंबई हायकोर्टाच्या औरंगाबाद खंडपीठाने फेटाळली होती. या …

Leave a Reply

Your email address will not be published. Required fields are marked *