facebook
Sunday , December 4 2016
Home / अहमदनगर / दुरवस्थेमुळे पूल धोकादायक
234023682344-2346236923542366230623302368-23422369235223572360238123412366

दुरवस्थेमुळे पूल धोकादायक

जामखेड-नान्नज व जवळका-नान्नज या ठिकाणी असलेल्या ब्रिटीशकालीन तीन पुलांची पडझड झाली असून त्या बरोबरच रस्त्यावरील अनेक पुलांची दुरवस्था झाल्याने वाहतुकीसाठी हे पूल धोकादायक बनले आहेत. या मुळे या पुलांची लवकरात लवकर दुरुस्ती करण्याची मागणी ग्रामस्थांकडून होत आहे.

पावसाळा संपून दोन महिने झाले असल्याने मागील पावसाच्या पाण्यामुळे जामखेड ते करमाळा या रस्त्याची दुरवस्था झाली आहे. या रस्त्याबरोबरच या ठिकाणी छोटे-मोठे आठ ते दहा पूल आहेत. त्यातच या सर्वच पुलांची उंची कमी असल्याने नवीन पूल बांधून उंची वाढविण्याची गरज आहे. पुलांची उंची कमी असल्याने अनेक वेळा पावसाळ्यात या पुलांवरून पावसाचे पुराचे पाणी वाहते. परीणामी अनेक वेळा वाहतूक ठप्प होते. लवकरात लवकर पुलांची उंची वाढवण्याची मागणी ग्रामस्थांकडून होत आहे. नान्नज ते जवळका या रस्तावरील कैतुका नदीवरील पूल एका बाजूने ढासळला असल्याने या मार्गावर एकेरी वाहतूक सुरू आहे. या मुळे एखादे वहान पुलावरून खाली कोसळण्याची शक्यता नाकारता येत नाही. तसेच जामखेड ते नान्नज या रस्त्यावरील कासारवाडा व नान्नज ते जवळा रस्त्यावरील दळवी मळा या ठिकाणी असलेल्या पुलाचीदेखील पडझड झाली आहे. या मुळे येणाऱ्या जाणाऱ्या प्रवाशांना मोठी तारेवरची कसरत करावी लागत आहे.

पुलांबरोबरच जामखेड करमाळा रस्त्यांची दुरवस्था झाली असून मोठमोठे खड्डे पडले आहेत. साइडपट्ट्यादेखील उखडल्या असून अपघातांचे प्रमाण वाढले आहे. मागील तीन दिवसांपूर्वीच राजेवाडी येथील पुलाजवळ एक इंडिका गाडी उलटून अपघात झाला होता. तर आठ दिवसांपूर्वी मोटारसायकलवरून घसरल्याने दोन जण जखमी झाले होते. पुलांची तसेच रस्त्यांची दुरूस्ती करण्याची मागणी परिसरातील ग्रामस्थ करीत आहेत.

कोट ः

करमाळा ते जामखेड रस्त्याची अतिशय दुरवस्था झाली आहे. या मुळे अपघातांच्या प्रमाणात वाढ होत आहे. पालमंत्री राम शिंदे यांनी राज्याच्या अर्थसंकल्पीय बजेटमधून या रस्ता रुंदीकरणासाठी साडेसहा लाख रुपये मंजूर केले आहेत. तरी दुरुस्तीचे काम लवकरात लवकर सुरू व्हावे या मुळे अपघात कमी होण्यास मदत होईल.

– अजिनाथ हजारे, भाजप जिल्हा चिटणीस, जवळा

कोट ः

जामखेड ते जवळा सरहद्दीपर्यंत सध्या पावसामुळे पडलेले खड्डे बुजविण्याचे काम सुरू असून या रस्त्यासाठी साडेसहा कोटी रुपये मंजूर झाले आहेत. पुढील पंधरा दिवसांत प्रत्यक्ष कामास सुरुवात करण्यात येणार आहे; मात्र, या रस्त्यावरील पुलांसाठी अद्याप निधी उपलब्ध नाही. या मार्चला पुलांच्या रस्त्यांना निधी मिळावा यासाठी येत्या मार्चच्या बजेटमध्ये प्रस्तावित करणार आहेत.

– पी. सी. उजागरे, अभियंता सार्वजनिक बांधकाम विभाग

Check Also

news-21

राहुरीत मतदारांनी नाकारले ‘परिवर्तन’

आवाज न्यूज नेटवर्क – अहमदनगर – नुकत्याच झालेल्या नगरपालिका निवडणुकीच्या पार्श्वभूमीवर राहुरी नगरपालिका प्रत्येकवेळी तनपुरे …

Leave a Reply

Your email address will not be published. Required fields are marked *