facebook
Thursday , December 8 2016
Home / Featured / भगूरकर भोगतायेत काळ्या पाण्याची शिक्षा
aawaz-news-image

भगूरकर भोगतायेत काळ्या पाण्याची शिक्षा

आवाज न्यूज नेटवर्क –

नाशिक – नगरपालिकेत शिवसेना सत्तेत आल्यापासून भगूरकर काळ्या पाण्याचीच शिक्षा भोगत आहेत. हीच परिस्थिती राज्यातदेखील शिवसेनेची असून, पत नसल्याने जनतेला वाऱ्यावर सोडले, असल्याचे प्रतिपादन विधानपरिषदेचे विरोधीपक्ष नेते धनंजय मुंडे यांनी केले.

भगूर येथील शिवाजी चौकात राष्ट्रवादी व काँग्रेस आघाडीच्या वतीने आयोजित प्रचारसभेत मुंडे बोलत होते. यावेळी व्यासपीठावर राष्ट्रवादी पक्षासह काँग्रेसचे शहर पदाधिकारी व सर्व उमेदवार उपस्थित होते.
मुंडे म्हणाले, जर एखादा पक्षाच्या जिल्हाप्रमुख सतत २० वर्ष त‌िच आश्वासने देत नागरिकांची दिशाभूल करून सत्तेत येत असेल, तर त्यांची जागा नागरिकांनी त्यास दाखवत सत्तेत परिवर्तन घडविणे गरजेचे आहे.

प्रास्ताविकातून अकबर सैय्यद यांनी गेल्या १६ वर्षांत गावातील प्राथमिक सुविधा वगळता अन्य काही भरीव काम झालेच नसल्याचे सांगितले. यावेळी जिल्हाध्यक्ष रवींद्र पगार, माजी आमदार दिलीप बनकर, नाना महाले यांसह नगराध्यक्षपदाच्या उमेदवार प्रेरणा बलकवडे यांची भाषणे झाली. व्यासपीठावर गोरखनाथ बलकवडे, अर्जुन टिळे, सोमनाथ खातळे, मोहन करंजकर, भारती साळवे, बी. डी. करंजकर आदी उपस्थित होते. विशाल बलकवडे यांनी आभार व्यक्त केले. सभेस मोठ्या प्रमाणावर नागरिक उपस्थित होते. सभेनंतर पथनाट्य सादर करण्यात आले.

Check Also

aawaz-news-image

‘पोलिसांची भीती मनातून काढून टाका’

आवाज न्यूज नेटवर्क – जळगाव – कायदा वा नियम हे समाजाच्या भल्यासाठीच असून, त्यांचे जो …

Leave a Reply

Your email address will not be published. Required fields are marked *