facebook
Monday , December 5 2016
Home / Featured / जवानांचा पोलिसांसमोर धिंगाणा
aawaz-news-image

जवानांचा पोलिसांसमोर धिंगाणा

आवाज न्यूज नेटवर्क –

जळगाव – पोलिस अधीक्षक कार्यालय परिसरात असलेल्या महिला सहाय्य कक्षात कौटुंबिक वादाच्या समुपदेशनासाठी आलेल्या आयटीबीपी जवानसह आर्मी व एसटी विभागात असलेल्या बंधूंनी मंगळवारी (दि. २२) पोलिस अधीक्षक कार्यालयातच धिंगाणा घातला. यातील जवानाने एलसीबी निरीक्षकांच्या दालनातच स्वत:चे डोके फोडून तर पोलिसांच्या गाडीच्या काचा फोडल्याने घेतल्याने खळबळ उडाली.

भडगावजवळील पांढरद येथील रहिवासी व आयटीबीपीमधील जवान प्रमोद दगा पाटील याचा पाच वर्षापूर्वी नेरीवडगाव येथील गायत्री यांच्यासोबत विवाह झाला होता. त्यांना एक मुलगी आहे. लग्नापासूनच तो पत्नीला त्रास देत होता. डिसेंबर २०१५ मध्ये पत्नी गायत्री व मुलीला घराबाहेर काढले होत. त्यानंतर नोकरीच्या ठिकाणी भटिंडा कॅम्पमध्ये निघून गेला. तेव्हापासून गायत्री या वडील साहेबराव शिवराम पाटील यांच्याकडेच माहेरी होत्या. गायत्री यांनी महिला सहाय्य कक्षाकडे अर्ज दाखल केला. महिला कक्षामार्फेत समुपदेशनाच्या तारखेला उपस्थित राहण्यासंबंधी प्रमोद याला तीन नोटीस दिल्या. तरीही तो अनुपस्थित राहिल्याने भटिंडा कॅम्पकडे नोटीस पाठविण्यात आली होती. प्रमोद हा मंगळवारी दुपारी सव्वा तीन वाजता प्रमोद पाटील हे आर्मीत असलेला भाऊ समाधान, एसटीत असलेला भाऊ निंबा आणि भाचा विनोद पाटील यांच्यासह महिला सहाय्य कक्षात आला. याठिकाणी त्याचा पुन्हा पत्नीसोबत वाद झाला. मध्यस्थी महिला पोलिसांनाच धमकी दिली. पोलिस निरीक्षक राजेशसिंग चंदेल यांच्या समोर नेल्यावर त्याने भिंतीवर डोके आपटून फोडून घेतले. त्यानंतर त्याच्यासह भावांना पोलिस बाहेर काढत असताना त्यांनीही उपविभागीय अधिकारी सचिन सांगळेंसोबत वाद घातला. चौघांना पोलिस जीपमध्ये बसवित असताना त्यांनी त्या गाडीच्यादेखील काचा फोडल्या.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *