facebook
Thursday , December 8 2016
Home / Featured / दूरशिक्षणाला हवी व्यापकता
ignou

दूरशिक्षणाला हवी व्यापकता

आवाज न्यूज नेटवर्क –

नागपूर – ‘मुक्त आणि दूर शिक्षणातूनच देशातील युवा पिढी उज्ज्वल भविष्याची कास धरू शकते. यासाठी दूर शिक्षणाला व्यापक स्वरूप देऊन सर्वांपर्यंत पोहचविण्यासाठी प्रयत्न करावे’, असे प्रतिपादन महाराष्ट्र पशु व मत्स्य विज्ञान विद्यापीठाचे (माफसू) कुलगुरू डॉ. ए. के. मिश्रा यांनी केले.

इंदिरा गांधी राष्ट्रीय मुक्त विद्यापीठाच्या (इग्नू) ३१ व्या स्थापना दिनानिमित्त अमरावती मार्गावरील हिंदुस्‍थान कॉलनीतील इग्नूच्या सभागृहात डॉ. मिश्रा प्रमुख पाहुणे म्हणून बोलत होते. अध्यक्षस्‍थानी जी. एस. रायसोनी कॉलेजच्या कुलगुरू डॉ. कमल सिंह उपस्थित होत्या. इग्नूचे विभागीय संचालक डॉ. पी. शिवस्वरूप यांनी मान्यवरांचे स्वागत केले. मिश्रा म्हणाले, ‘दूर शिक्षणातून विद्यार्थ्यांना शिक्षण घेणे सोयीस्कर झाले आहे. त्यामुळे या शिक्षा प्रणालीचा सर्वांनीच स्वीकार करावा’. कमल सिंह म्हणाल्या, ‘ग्रामीण भागात इग्नूने शिक्षणाचे जाळे घट्ट विणले असून त्याचा लाभही अनेकांना होत आहे’. याप्रसंगी इग्नूतून शिक्षण घेणारया डॉ. नाथूराम स्वर्णकार, दिगंबर आळसी, चंद्रपाल चौकसे, शक्ती दिपक मेहता, घनश्याम वांगनेव, सुहासिनी चौरसिया, डॉ. सोनल कोलते, मुस्कान मिश्रा, जयश्री खोब्रागडे, धीरज राणे, मिली बेबी, डॉ. एस. यू. पाटील, डॉ. अर्जुन यांनी अभ्यासक्रमावर प्रकाश टाकला. यावेळी कृषी व विश्व बँकेचे माजी सल्लागार डॉ. आर. बी. ठाकरे, सहायक विभागीय संचालक डॉ. विकास सिंघल, डॉ. रेणुका मेंडे, डॉ. सुप्रिया रानडे, डॉ. एस. बी. झाडे, डॉ. मनोज पांडे, डॉ. एस. आय. कोरेटी, डॉ. ख्वाजा, हाडा, डॉ. पी. टी. शुक्ला, डॉ. राजू गावंडे आदी उपस्थित होते.

Check Also

aawaz-news-image

‘पोलिसांची भीती मनातून काढून टाका’

आवाज न्यूज नेटवर्क – जळगाव – कायदा वा नियम हे समाजाच्या भल्यासाठीच असून, त्यांचे जो …

Leave a Reply

Your email address will not be published. Required fields are marked *