facebook
Saturday , April 29 2017
Breaking News
Home / Featured / दीड वर्षात आठ मुख्याधिकारी

दीड वर्षात आठ मुख्याधिकारी

आवाज न्यूज नेटवर्क –

अहमदनगर – येथील नगरपंचायत स्थापनेपासूनच्या दीड वर्षाच्या कालावधीत अकोले नगरपंचायतीचे मुख्याधिकारी अनेकदा बदलले आहेत. त्याबरोबरच तहसीलदार, नायब तहसीलदार, संगमनेर येथील दोन मुख्याधिकारी तसेच अकोले नगरपंचायतीवर नेमणूक झालेले मुख्याधिकारी अशा प्रकारे एका वर्षात एकूण ८ मुख्याधिकाऱ्यांची विकास कामाशिवाय कारकीर्द पार पडली; आकृतीबंधानुसार नगरपंचायतीने अधिकारी व इंजिनीअर नियुक्त करावेत, अशी मागणी वारंवार करूनही कायमस्वरूपी मुख्याधिकारी व केडरचे अधिकारी, इंजिनीअर मिळत नाहीत. आकृतीबंधानुसार कर्मचारीही उपलब्ध होत नाहीत. या मागणीसाठी नगराध्यक्ष व सर्व नगरसेवकांनी ३० नोव्हेंबर रोजी तहसीलदार कार्यालयासमोर उपोषण करण्याचा इशारा दिला आहे.

नगराध्यक्ष अॅड. के. डी. धुमाळ व सर्व नगरसेवकांनी बुधवारी सकाळी तहसीलदार मनोज देशमुख यांना याबाबतचे निवेदन दिले. यात म्हटले आहे, अकोले नगरपंचायतीची स्थापना झाल्यापासून आजपावेतो एकही कायमस्वरूपी मुख्याधिकारी व अधिकारी, इंजिनीअर नगरपंचायतीस मिळालेले नाहीत. नव्याने आलेले मुख्याधिकारी डाॅ. प्रवीण निकम हे वैयक्तिक कारणामुळे दोन महिने रजेवर गेल्याने दैनंदिन कामकाजासह सर्वच कामांवर मर्यादा आल्या आहेत. ही स्थिती म्हणजे असून अडचण व नसून खोळंबा, अशी आहे.

अकोले येथील तहसीलदार, नायब तहसीलदार, संगमनेर येथील दोन मुख्याधिकारी तसेच अकोले नगरपंचायतीवर नेमणूक झालेले मुख्याधिकारी डाॅ. प्रवीण निकम, जे केवळ एक महिनाभर थांबले, अशा प्रकारे एका वर्षात एकूण ८ मुख्याधिकाऱ्यांची विकास कामाशिवाय कारकीर्द पार पडली; मात्र, नगरपंचायतीच्या निर्मितीनंतर आकृतीबंधानुसार कायम मुख्याधिकारी व इंजिनीअर नसल्यामुळे लोकप्रतिनिधींच्या जानेवारी २०१६ पासून केलेल्या विकासकामांच्या ठरावांची अंमलबजावणी झालेली नाही. नगरपंचायतीचा आकृतीबंध जाहीर झाला असला तरी अधिकारी, कर्मचारी यांची नेमणूक करण्यात आलेली नाही. या संदर्भात अकोले नगरपंचायतीच्या सर्व नगरसेवकांनी १० नोव्हेंबर २०१६ रोजी जिल्हाधिकाऱ्यांकडे निवेदन देऊन मागणी केली होती. मागणी मान्य न झाल्यास लोकशाही मार्गाने आंदोलन करण्याचा इशारा दिला होता. परिणामी आरोग्य, पाणी व इतर मूलभूत सोयींची कामे होत नाहीत. पूर्वीच्या ग्रामपंचायतीमध्ये कार्यरत असलेले आरोग्य व पाणीपुरवठा कर्मचारी हे निवृत्त झालेले असल्याने सुमारे ७ ते ८ कर्मचाऱ्यांचा तुटवडा आहे. यामुळे नागरिकांना दिलासा मिळण्याऐवजी नगरपंचायत अधिक त्रासदायक ठरू लागल्याने आधीच्या ग्रामपंचायतीचा कारभार बरा होता, असे म्हणण्याची वेळ आली आहे.

कामे पूर्ण करण्यासाठी करारपद्धतीने, ठेका पद्धतीने अकुशल कामगारांची भरती करून घ्यावी, असा नगरपंचायतीने ठराव केलेला असूनदेखील त्याची अंमलबजावणी झालेली नाही. सर्व ठिकाणी विकासकामे ठप्प झाली आहेत. विकासकामे न झाल्याने सरकारकडून आलेला विविध कामांसाठीचा निधी परत जाण्याचा धोका निर्माण झालेला आहे. तांत्रिक स्टाफ, कर्मचारी, इंजिनीअर नसल्याने किंबहुना संगमनेर नगरपरिषदेचे नेमणूक झालेले तांत्रिक कर्मचारी यांनाही अकोले नगरपंचायतीचे काम पाहण्यास अवधी मिळत नाही. त्यामुळे आकृतीबंधानुसार नगरपंचायतीच्या कायम तांत्रिक कर्मचाऱ्यांची नेमणूक तातडीने होण्याची आवश्यकता आहे. विषय समिती, स्थायी समिती व जनरल बोर्डाचे झालेले ठराव व त्याची प्रोसेडिंग हे वेळेत लिहीले जात नाहीत. त्यामुळे कोणत्याही ठरावांची व कामांची अंमलबजावणी करण्यात आलेली नाही. अकोले नगरपंचायतीला कायमस्वरूपी मुख्याधिकारी, टेंडरचे अधिकारी, अभियंते व मंजूर झालेल्या आकृतीबंधाचे सर्व कर्मचाऱ्यांची नेमणूक करण्यात यावी, या मागणीसाठी उपोषणास बसण्याचा इशारा नगराध्यक्ष अॅड. के. डी. धुमाळ व नगरसेवकांनी दिला आहे.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *