facebook
Wednesday , April 26 2017
Breaking News
Home / Featured / विकासकामांना मिळणार वेग

विकासकामांना मिळणार वेग

आवाज न्यूज नेटवर्क-

जळगाव – महापालिकेची आर्थिक स्थिती बिकट असल्याने जळगाव शहरात गेल्या दोन वर्षांपासून विकास कामे झालेली नव्हती. त्यानंतर महापालिकेला मिळालेल्या निधीतून रस्ता दुरुस्ती व विकास कामे करण्याची प्रक्रिया गेल्या महिन्यात पूर्ण करण्यात आली. मात्र विधानसभेच्या आचारसंहितेमुळे या कामांना ब्रेक बसला होता. मतदानानंतर यातील काही कामांना सुरुवात झाली. तर गुरुवारी (दि. २४) आचारसंहिता संपल्यानंतर सुमारे १२ कोटी रुपयांच्या कामांचा मुहूर्त मिळणार आहे.

हुडकोचे कर्ज व गाळ्यांचा रेंगाळलेला प्रश्न यामुळे महापालिकेची आर्थिक परिस्थिती बिकट झाली आहे. त्यामुळे गेल्या तीन वर्षांत कुठलीही मोठी विकास कामे झालेली नाहीत. यामुळे जळगाव शहरातील रस्त्यांची मोठी दुरवस्था झाली आहे. उपनगरांमधील नव्हे तर शहरातील मुख्य रस्तेदेखील खड्ड्यांमुळे अक्षरश: फाटून गेल्यासारखे जाणवत आहे. निधी नसल्याने दुरुस्तीची कामेदेखील अपवादाने करण्यात येत होती. दिवाळीपूर्वी महापालिकेला सरकारने १० कोटी रुपयांचा निधी दिला. त्यामधून १०० विकास कामांचे प्रस्ताव करण्यात आले होते. त्याची निविदा प्रक्रिया सुरू करण्यात आली होती. मात्र, विधान परिषदेची आचारसंहिता सुरू झाल्याने या प्रक्रियेला ब्रेक बसला होता. गुरुवारी ही आचारसंहिता संपत असल्याने प्रक्रिया पूर्ण होऊन शहरात १० कोटी रुपयांची कामे लवकरच सुरू होणार आहेत.

रस्ता दुरुस्तीचा मार्ग मोकळा

महापालिकेच्या निधीमधून प्रशासनाने चारही प्रभागांसह मुख्य रस्त्यांसाठी सुमारे २ कोटी रुपयांची तरतूद केली होती. त्यात प्रत्येक प्रभागासाठी ३० लाख असे चार प्रभागांसाठी १ कोटी २० लाख तर मुख्य रस्त्यांसाठी ८० लाखांची तरतूद आहे. यासाठी देखील निविदा प्रक्रिया राबविण्यात आली आहे. प्रभाग १ व ४ साठी फेरनिविदा काढण्यात आल्यात. त्यानुसार आता ही दुरुस्तीची कामेदेखील सुरू होणार आहेत. तर मेहरूण परिसर व संत चोखामेळा बोर्डिंग रस्त्याच्या कामाला बुधवारीच सुरुवात करण्यात आली.

तरतूद वाढविण्याचा विचार

रस्ते दुरुस्तीसाठी महापालिकेने प्रत्येक प्रभागासाठी ३० लाख रुपयांची तरतूद केली आहे. तरी प्रभागातील सर्वच रस्त्यांची दुरवस्था झाल्याने ही तरतूद २० लाख रुपयांनी वाढविण्याचा विचार प्रशासन करीत आहे.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *