facebook
Thursday , December 8 2016
Home / Featured / ट्रान्सपोर्ट नगरची जागा ताब्यात घेण्याच्या सूचना
aawaz-news-image

ट्रान्सपोर्ट नगरची जागा ताब्यात घेण्याच्या सूचना

आवाज न्यूज नेटवर्क –

जळगाव – जळगावातील मेहरुण शिवारातील ट्रान्सपोर्ट नगरातील जागा महापालिका मालकीची आहे. ट्रान्सपोर्ट नगरला ही जागा तीन वर्षाच्या मुदतीने देण्यात आली होती. त्याची मुदत संपून २८ वर्षे पूर्ण होऊनही महापालिकेने ही जागा ताब्यात घेण्याची कार्यवाही न केल्याने सुमारे ४० कोटी रुपयांच्या मालमत्तेपासून भरीव उत्पन्न महापालिकेस मिळत नाही. यामुळे महापौर नितीन लढ्ढा यांनी ही जागा ताब्यात घेण्याच्या सूचना प्रशासनाला केल्या आहेत.

हरुण शिवारात असलेली ही महापालिकेच्या या जागेचे पावणेचार एकर क्षेत्रफळ आहे. ही जागा नगरपालिकेच्या तत्कालीन प्रशासकांनी सन १९८३ मध्ये तीन वर्षांच्या मुदतीने ट्रान्सपोर्ट नगरला दिली होती. ती मुदत सन १९८६ मध्ये संपली. मात्र त्याबाबत प्रशासनाने काहीच कार्यवाही न केल्याने ती ट्रान्सपोर्ट असोसिएशनकडेच आहे. या जागेबद्दल महापालिकेला असोसिएशनकडून केवळ ६० हजार रुपये प्रतिवर्ष मिळत आहे. हे भाडे अतिशय कमी असल्याने यामुळे महापालिकेचे नुकसान होत आहे. नितीन लढ्ढा यांनी ही बाब डिसेंबर २०१३ मध्ये प्रशासनाच्या लक्षात आणून दिली होती. लढ्ढा यांच्या सूचनेनंतर महापालिका प्रशासनाने ट्रान्सपोर्ट असोसिएशनला नोटिसादेखील दिल्या होत्या.

यानंतर असोसिएशनची नगररचनाकार व आयुक्तांनी सुनावणीदेखील घेतली आहे. याबाबत असोसिएशन कोर्टात गेली मात्र, त्यांना स्थगिती मिळालेली नाही. त्यामुळे प्रशासनाने ही जागा ताब्यात घेण्याची कारवाई करण्याच्या सूचना महापौरांनी दिल्या आहेत.

Check Also

aawaz-news-image

‘पोलिसांची भीती मनातून काढून टाका’

आवाज न्यूज नेटवर्क – जळगाव – कायदा वा नियम हे समाजाच्या भल्यासाठीच असून, त्यांचे जो …

Leave a Reply

Your email address will not be published. Required fields are marked *