facebook
Tuesday , April 25 2017
Breaking News
Home / Featured / नणंद-भावजयीस ट्रकने चिरडले

नणंद-भावजयीस ट्रकने चिरडले

आवाज न्यूज नेटवर्क –

औरंगाबाद – एका ट्रकने रस्त्याच्या कडेला थांबलेल्या तिघांना शुक्रवारी दुपारी एक वाजता चिरडले. या घटनेत नणंद-भावजयींचा जागीच मृत्यू झाला असून, एक तरुण गंभीर जखमी झाला आहे. ही घटना औरंगाबाद-जळगाव रस्त्यावरील बाभूळगाव शिवारात घडली.
औरंगाबाद-जळगाव रस्त्यावर, घटनास्थळापासून काही अंतरावर द्वारकाबाई रखमाजी गोडसे (वय ५२, रा. बाभूळगाव) यांचे रस्त्यालगत शेत आहे. त्या शुक्रवारी दुपारी एकच्या सुमारास शेताकडे पायी जात होत्या. त्यावेळी रुख्मणबाई जगन नामले (वय ४७) व मुलगा कृष्णा जगन नामदे (वय २५, रा. दोघे प्रल्हादपूर ता. भोकरदन जि. जालना) हे सिल्लोडकडून बाभूळगावकडे मोटारसायलवरून (एम एच २० बी पी ६६८५) जात होते. त्यावेळी समोरून पायी येणारी भावजय द्वारकाबाई दिसल्याने रुख्मणबाई या मोटारसायकलवरून उतरल्या. त्या रस्त्याच्या दुसऱ्या बाजूला (उत्तर) त्यांच्याशी बोलण्यासाठी गेल्या. तेव्हा कृष्णा हा मोटारसायकलजवळ उभा होता. नणंद-भावजयीत गप्पा सुरू असताना आळंदकडून ट्रक (एम एच २० इ जी २२६१) सिल्लोडकडे जात होता. येथे वळण असल्याने ट्रक निलगिरी व कडूनिंबाच्या झाडाला घासून समोर रस्त्याकडेला उभ्या असलेल्या नणंद-भावजयीच्या अंगावर गेला. दोघींना फरफटत नेत दुसऱ्या बाजूला उभ्या असलेल्या मोटारसायकलस्वार कृष्णा नामदे याच्यावर धडकला. या अपघातात कृष्णा गंभीर जखमी झाला आहे. त्याला उपचारासाठी औरंगाबाद येथे पाठवण्यात आले आहे. याप्रकरणी वडोदबाजार पोलिस ठाण्यात गुन्हा नोंदवण्याची प्रक्रिया सुरू होती. ट्रक चालक मद्यधूंद अवस्थेत होता, अशी घटनास्थळी चर्चा होती.
दरम्यान, घटनास्थळी वडोदबाजार पोलिस ठाण्याचे सहायक निरीक्षक एस. डी. रामोड, उपनिरीक्षक पी. पी. इंगळे, फुलंब्रीचे निरीक्षक बापूसाहेब महाजन, उपनिरीक्षक मनीषा लटपटे यांनी भेट दिली. त्यांनी वाहतूक व्यवस्था सुरळीत करून जमावाला शांत केले.

नातेवाईकांचा आक्रोश

हा अपघात एवढा भीषण होता की नातेवाईकांचा अाक्रोश पाहून बघणाऱ्यांच्या डोळ्यात पाणी येत होते. अपघाताची माहिती समजताच हाकेच्या अंतरावरील नातेवाईकांनी धाव घेतली. संतप्त नातेवाईक यांनी ट्रकच्या काचा फोडल्या. घटनेचे गांभीर्य लक्षात घेऊन वडोदबाजार पोलिसांनी सिल्लोड व फुलंब्री पोलिसांना माहिती दिली, त्यानंतर येथे कुमक दाखल झाली. पण, जमाव ऐकण्याच्या तयारीत नव्हता, त्यामुळे सुमारे दोन तास रस्त्यावर वाहतूक ठप्प होऊन दोन्ही कडे पाच ते आठ किलोमीटरपर्यंत वाहतूक ठप्प झाली. औरंगाबादकडून येणारी वाहतूक कायगावमार्गे सिल्लोडकडे तर, सिल्लोडकडून येणारी वाहतूक निल्लोडमार्गे औरंगाबादकडे वळवण्यात आली.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *