facebook
Saturday , December 3 2016
Home / Featured / काळ आला होता… पण वेळ नव्हती!
27-november-new-4

काळ आला होता… पण वेळ नव्हती!

आवाज न्यूज नेटवर्क –

पुणे – ‘काळ आला होता… पण वेळ आली नव्हती,’ या म्हणीचा प्रत्यय कात्रज येथील राजीव गांधी प्राणी संग्रहालयात शनिवारी आला. एका तरुणाने येथील पांढऱ्या वाघाच्या पिंजऱ्यात उडी मारली. सुरक्षारक्षकांनी तातडीने त्याला बाहेर काढल्यामुळे त्याचे प्राण बचावले. या सर्व प्रकारामुळे उद्यानात एकच गोंधळ उडाला आणि सर्वांना दिल्लीतील घटनेची आठवण झाली.

शुद्धोदन बाबाराव वानखडे (वय २४ रा. खराबवाडी,चाकण, मूळ जि.अकोला) असे उडी मारलेल्या तरुणाचे नाव आहे. त्याच्याविरोधात सुरक्षारक्षक शामराव भिमशा कांबळे (वय ५९) यांनी तक्रार दिली आहे. त्यानुसार त्याच्यावर वन्यजीव संरक्षण कायद्यांतर्गत भारती विद्यापीठ पोलिस ठाण्यात गुन्हा दाखल केला आहे. या घटनेबाबत त्याच्या कुटुंबियांना माहिती देण्यात आली आहे. पोलिसांनी दिलेल्या माहितीनुसार, शुद्धोधन हा मूळचा अकोला जिल्ह्यातील असून काही दिवसांपूर्वी तो चाकण परिसरात भावाकडे राहण्यास आला होता. शनिवारी दुपारी तो एकटाच राजीव गांधी उद्यान पाहण्यासाठी आला होता. शनिवारच्या सुटीमुळे उद्यानात मोठी गर्दी होती. शुद्धोधन वाघांच्या पिंजऱ्याजवळ जाऊन मोबाइलमध्ये फोटो काढत होता. त्याने जाळीवरून एका वाघाच्या पिंजऱ्यात उतरण्याचा प्रयत्न केला. रक्षकांनी त्याला अडविले. त्यामुळे चिडलेल्या शुद्धोधनने शेजारच्या पांढऱ्या रंगाच्या कैफ वाघाच्या पिंजऱ्यात उडी घेतली. दुरून वाघाला इशारे करीत त्याला डिवचण्याचाही प्रयत्न केला. रक्षकांनी तातडीने छोट्या दरवाजातून प्रवेश करून त्याला सुखरूप बाहेर काढले. या घटनेनंतर उद्यानात एकच गोंधळ उडाला.

भारती विद्यापीठ पोलिसांनी त्याला ताब्यात घेतले. ‘ माझ्या अंगात एक बाबा असून त्यामुळे मला काही होत नाही, ‘असे त्याने सांगितल्याने पोलिसही चक्रावून गेले. शुद्धोधन याने वाघाच्या डोक्यावर हात ठेवल्याची चर्चाही होती.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *