facebook
Sunday , December 4 2016
Home / Featured / रामटेक संदर्भातील आरोप बिनबुडाचे
27-november-new-13

रामटेक संदर्भातील आरोप बिनबुडाचे

आवाज न्यूज नेटवर्क –

जळगाव – रामटेक बंगला रिकामा करून तीन महिने झाले तरीही यासंदर्भात होत असलेले आरोप हे सत्य न जाणता केले जात आहेत. याबाबतची खंत माजी महसूलमंत्री एकनाथ खडसे यांनी एका पत्रकाद्वारे व्यक्त केली आहे.

यासंदर्भात त्यांनी प्रसिद्ध केलेल्या पत्रकात खडसेंनी, गेल्या मे महिन्यापासून माझ्यावर बिनबुडाचे आरोप होत आहेत. पक्षाची प्रतिष्ठा ढासळू नये म्हणून मी माझा राजीनामा दिला, चौकशीला सामोरा गेलो, १९ सप्टेंबरला रामटेक बंगला रिकामा केला. पण माझ्यावरच्या बिनबुडाच्या आरोपांची मालिका काही संपत नाही. रामटेक बंगला रिकामा करून ३ महिने झाले, तसेच हा बंगला रिकामा करण्यापूर्वी त्या संदर्भातील सर्व कागदी दस्तावेज हे संबंधित खात्यामध्ये दिनांक १६ सप्टेंबर रोजी जमा केले आहेत, असेही या पत्रकात नमूद करण्यात आले आहे.

सत्यस्थिती मांडावी

सर्वप्रकारे सहयोग करून मी बंगलादेखील रिकामा केला, तरीही माझ्यावर रामटेक बंगला रिकामा केला नाही, असा आरोप केला गेला आहे. तरी प्रसारमाध्यमे ही लोकांसमोर सत्य आणून देण्यासाठी असतात. पेरलेल्या अफवा न दाखविता, सत्य परिस्थिती लोकांसमोर मांडतात. त्यामुळे माध्यमांनी सत्यस्थिती मांडावी, अशी खडसेंनी कागदपत्रे जोडत विनंती केली आहे.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *