facebook
Thursday , December 8 2016
Home / Featured / सायरस मिस्त्री यांनी घेतले शनीचे दर्शन
27-november-new-16

सायरस मिस्त्री यांनी घेतले शनीचे दर्शन

आवाज न्यूज नेटवर्क –

अहमदनगर – टाटा समूहाच्या अध्यक्षपदावरुन हकालपट्टी झाल्यापासून अडचणींचा सामना करीत असलेले ‘टाटा’चे माजी अध्यक्ष सायरस मिस्त्री यांनी शनिवारी शिर्डी व शनिशिंगणापूर येथे जाऊन दर्शन घेतले. यावेळी त्यांनी शिर्डी येथे ‘सर्व काही ठिक होईल,’ अशी एकाच वाक्यात प्रतिक्रिया व्यक्त करीत जास्त बोलणे टाळले.

शनिवारी सकाळी मिस्त्री हे आपल्या पत्नीसह हेलिकॉप्टरने शिर्डी येथे आले. यावेळी त्यांनी शिर्डी येथे साईबाबांचे दर्शन घेतले व ते हेलिकॉप्टरने शनिशिंगणापूरच्या दिशेने रवाना झाले. तेथे मुळा पब्लिक स्कूलच्या हेलीपॅडवर उतरुन ते शनिमंदिर परिसराकडे गेले. शनि पादुकांचे दर्शन घेत शनिदेवाला अभिषेक केला. यावेळी देवस्थान ट्रस्टच्या वतीने खजिनदार योगेश बानकर व जनसंपर्क अधिकारी अनिल दरंदले यांनी शनिप्रतिमा भेट देऊन मिस्री यांचा सत्कार केला. मिस्री हे शनिमंदिर परिसरात जवळपास अर्धातास होते.

यावेळी भागवत बानकर, आप्पासाहेब शेटे, आदिनाथ शेटे उपस्थित होते. शनिदर्शन झाल्यानंतर मिस्त्री यांनी मुळा एज्युकेशन सोसायटीच्या आमराई विश्रामगृह येथे जाऊन प्रशांत गडाख यांच्याकडून यशवंत सामाजिक प्रतिष्ठान व मुळा एज्युकेशन संस्थेची माहिती घेतली असल्याचे सूत्रांकडून सांगण्यात आले. त्यानंतर ते मुंबईच्या दिशेने रवाना झाले.

Check Also

aawaz-news-image

‘पोलिसांची भीती मनातून काढून टाका’

आवाज न्यूज नेटवर्क – जळगाव – कायदा वा नियम हे समाजाच्या भल्यासाठीच असून, त्यांचे जो …

Leave a Reply

Your email address will not be published. Required fields are marked *