facebook
Saturday , February 25 2017
Breaking News
Home / Crime / खुनाला फुटली ४१ वर्षांनी वाचा

खुनाला फुटली ४१ वर्षांनी वाचा

आवाज न्यूज नेटवर्क –

पुणे – भारतात फिरण्यासाठी आलेल्या दोघा जर्मन नागरिकांचा गोवा ते पुणे प्रवासादरम्यान खून केल्याची घटना तब्बल ४१ वर्षांनी उघडकीस आली आहे. हे खून दोघा जर्मन नागरिकांनीच केले आहेत. त्यातील एका संशयितानेच विवेकबुद्धीला लागलेल्या टोचणीमुळे जर्मन पोलिसांसमोर १९७५ मध्ये केलेल्या खुनाची कबुली दिली आहे. त्यानुसार जर्मन पोलिसांनी भारतीय तपास यंत्रणांशी संपर्क साधून या खुनांची माहिती मिळवण्यास सुरुवात केली आहे.

हान्स इवाल्ड उल्म या जर्मन नागरिकाने १७ जून २०१६ रोजी जर्मनीतील लांडाऊ पोलिसांसमोर खुनाची कबुली दिली आहे. उल्म हा आपला साथीदार मिशाइल ग्वॉडिअर याच्यासोबत भारतात आला होता. हे दोघे १९७५ मध्ये एका भारतीय मर्सिडीज वाहतूकदाराबरोबर फिरत होते. यावेळी गोवा ते पुणे प्रवासादरम्यान या दोघांनी जर्मन नागरिकांचा खून केल्याची कबुली दिली आहे.

उल्म याने तब्बल ४१ वर्षांनंतर आपण आपल्या विवेकबुद्धीचा आवाज ऐकून खुनाची कबुली देत असल्याचे लाडांऊ पोलिसांना सांगितले आहे; तसेच आपण केलेला गुन्हा हा अत्यंत निंदनीय असल्याचे त्याने आपल्या जबाबात म्हटले आहे. उल्म याने दिलेल्या माहितीनंतर जर्मन पोलिसांनी खून झालेल्या दोघांची माहिती मिळवण्यास सुरूवात केली आहे. जर्मन पोलिसांनी ‘इंटरपोल’च्या मदतीने भारतीय यंत्रणांशी संपर्क साधला. त्यानुसार केंद्रीय अन्वेषण विभागाने (सीबीआय) महाराष्ट्र आणि गोवा पोलिसांशी संपर्क साधून, खून झालेल्या दोघांची माहिती मिळण्याची सूचना केली आहे.

उल्म याच्या दाव्यानुसार, गोवा ते पुणे प्रवासादरम्यान हे खून झाले आहेत. त्यामुळे पुणे शहर, पुणे ग्रामीण आणि सातारा पोलिसांनी १९७५ मध्ये परदेशी नागरिकांचे मृतदेह मिळाले होते का, याचा शोध घेण्यास सुरुवात केली आहे. राज्य गुन्हे अन्वेषण विभागाच्या अधीक्षक तेजस्वी सातपुते यांनी पुणे शहर आणि ग्रामीण पोलिसांशी संपर्क साधत त्यांना जर्मन नागरिकांच्या खुनाची माहिती दिली आहे.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *