facebook
Wednesday , April 26 2017
Breaking News
Home / Featured / नेत्यांच्या ‘जादू’नंतर केंद्रांवर रांगा

नेत्यांच्या ‘जादू’नंतर केंद्रांवर रांगा

आवाज न्यूज नेटवर्क –

अहमदनगर – नगर जिल्ह्यात रविवारी ८ पालिकांसाठी मतदान झाले. सकाळी ११ पर्यंत मतदानाचे प्रमाण अल्प होते पण नेत्यांनी जादू केली आणि दुपारी ३ नंतर मतदारांच्या झुंडीच्या झुंडी अचानक केंद्रांवर दाखल होऊ लागल्या. त्यामुळे प्रत्येक मतदान केंद्रावर मोठ्या रांगा दिसू लागल्या. रात्री ७ पर्यंत मतदान सुरू होते. सोमवारी सकाळी मतमोजणीस प्रारंभ होईल. सर्वच पक्षांनी मतदारांना पैशांचे जोरदार वाटप केले. शिर्डीत एका अपक्ष उमेदवाराने सोन्याच्या अंगठ्या वाटल्याची चर्चा होती. कोट्यवधी रुपयांची उधळपट्टी या निवडणुकीत झाली.

शिर्डी, कोपरगाव, संगमनेर, राहता, श्रीरामपूर, राहुरी, देवळाली प्रवरा, पाथर्डी या पालिकेसाठी रविवारी मतदान झाले. किरकोळ वाद वगळता शांततेत मतदान झाले. कोपरगाव, श्रीरामपूर, राहुरी, देवळाली, पाथर्डी येथे चुरस पाहायला मिळाली. संगमनेर, शिर्डी, राहता, श्रीरामपूर या चार पालिकांमध्ये काँग्रेस सत्तेवर येईल, असा दावा काँग्रेस नेत्यांनी केला आहे. श्रीरामपुरात अध्यक्षपदासह नगरसेवक पदावर काँग्रेसचा एकतर्फी विजय होईल असा ठाम विश्वास जिल्हाध्यक्ष जयंत ससाणे यांनी व्यक्त केला. कोपरगावात भाजप बंडखोर विजय वहाडणे यांच्या विजयाची हवा आहे. राष्ट्रवादी काँग्रेसने कोपरगावात विजयाचा दावा केला आहे. देवळालीत भाजपने तर राहुरीत प्रसाद तनपुरे यांनी बहुमताचा दावा केला आहे. कोण बाजी मारणार हे सोमवारी निकाल जाहीर झाल्यावर कळणार आहे.

या निवडणुकीत पैशांचा मोठा वापर झाला. कोट्यवधीची उधळपट्टी झाली. कोपरगावात ५००, शिर्डीत २ हजार ५००, संगमनेरात २ हजार, श्रीरामपुरात १ हजार आणि २ हजार, राहुरी, देवळाली, पाथर्डीत १ हजार ते १ हजार ५०० असे पैशांचे वाटप झाल्याची चर्चा मतदारात ऐकायला मिळाली. शिर्डीत एका अपक्ष उमेदवाराने सोन्याच्या अंगठ्यांचे वाटप केले तर एकाने टेम्पोभरून कपबशी यांचे सेट वाटले. सकाळी मतदानाचा वेग अल्प होता दुपारी ३ नंतर मात्र झुंडीच्या झुंडी येऊ लागल्या आणि मतदार केंद्रावर भल्या मोठ्या रांगा दिसू लागल्या.

चौकट ः

मतदानाची टक्केवारी

कोपरगाव ७४.८० टक्के, संगमनेर ७४, शिर्डी ८३, राहाता ८२.५६, श्रीरामपूर ७६, देवळाली प्रवरा ८६, राहुरी ८०.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *