facebook
Sunday , December 4 2016
Home / Featured / संगमनेरमध्ये शांततेत ७४ टक्के मतदान
news-9

संगमनेरमध्ये शांततेत ७४ टक्के मतदान

आवाज न्यूज नेटवर्क –

अहमदनगर – येथील नगरपालिकेच्या निवडणुकीसाठी रविवारी शांततेत ७४ टक्के मतदान झाले. सुमारे २६ हजार मतदारांनी आपला मतदानाचा हक्क बजावला. सकाळी काहीसे संथगतीने मतदान सुरू होते; मात्र, दुपारी चारनंतर मतदानाचा वेग वाढला आणि केद्रांवर मतदारांची गर्दी झाली.

येथील नगरपालिकेच्या १४ प्रभागांतून २८ उमेदवार निवडून द्यायचे असून रविवारी सकाळी ७.३० पासून ६२ बूथच्या माध्यमातून मतदानाला सुरुवात झाली. सकाळी ७.३० ते १.३० या वेळेत एकूण मतदारांपैकी ९ हजार १५९ पुरुष व ८ हजार ११७ महिलांनी आपला मतदानाचा हक्क बजावला. त्यामुळे दीड वाजेपर्यंत ३६ टक्के मतदान झाले तर ७.३० ते ३.३० या वेळेत १३ हजार ४९२ पुरुष व १२ हजार ५०६ महिलांनी म्हणजे ५४ टक्के मतदारांनी मतदान केले. तर दुपारी चारनंतर मतदान केंद्रांवर मतदारांची मोठी गर्दी पाहायला मिळाली. सकाळी माजी मंत्री आमदार बाळासाहेब थोरात, आमदार डॉ. सुधीर तांबे, दुर्गा तांबे, शिवसेनेचे अप्पा केसकर, भाजपचे ज्ञानेश्वर करपे यांनी मतदान केले. दिवसभर शांततेत मतदान सुरू होते. निवडणूक अधिकारी भागवत डोईफोडे व सहायक निवडणूक अधिकारी रावसाहेब सोनवणे हे मतदान प्रक्रियेवर लक्ष ठेवून होते. मतदानाच्या ठिकाणी मोठा पोलिस बंदोबस्त होता. सायंकाळी ४ ते ५ या वेळेत मतदान केंद्रांवर मोठी गर्दी व रांगा लागल्या होत्या.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *