facebook
Saturday , February 25 2017
Breaking News
Home / Featured / जिल्ह्यातील किल्ल्यांवरील मंदिरांचे व्हावे सर्वेक्षण

जिल्ह्यातील किल्ल्यांवरील मंदिरांचे व्हावे सर्वेक्षण

आवाज न्यूज नेटवर्क –

नाशिक – सह्याद्रीच्या पूर्वेकडील सातमाळा-चांदवड-अजिंठा रांगेत कळवण तालुक्यातील जोडदूर्ग म्हणून ओळखल्या जाणाऱ्या कांचन मांचन किल्ल्यावर दुर्ग संवर्धन प्रतिष्ठानची ३७ सावी श्रमदान मोहीम राबविण्यात आली. या मोहिमेला गेल्यानंतर लक्षात आलेल्या गोष्टींवरून जिल्ह्यातील किल्ल्यांवरील मंदिरांचे व्हावे सर्वेक्षण व्हावे, असे आवाहन दुर्ग संवर्धन प्रतिष्ठानतर्फे करण्यात आले आहे.

कांचन-मांचन या किल्ल्यांची अवस्था अतिशय बिकट आहे. किल्ल्यावर जाण्यासाठी कुठेही दिशादर्शक फलक नाही की पायवाटदेखील नाही. किल्ल्याचा अंदाज घेत चढाई करावी लागते. किल्ल्यावर चढताना प्राचीन हेमांडपंथी नारायण मंदिर नजरेस पडते. प्राचीनकालीन दगडी मंदिर असून अनेक शिल्प या ठिकाणी विखुरलेले आहेत. जिल्ह्यात सत्तर गडकिल्ले असून याठिकाणी शेकडो प्राचीन मंदिरे आहेत. दुर्ग संवर्धनच्या या मोहिमेत संस्थेचे अध्यक्ष प्रा. आनंद बोरा, भीमराव राजोळे, किरण बेलेकर, वसंत वडनेरे, आशिष बनकर, आकाश जाधव, अजित जगताप आदींसह पुरी गावातील ग्रामस्थ देखील सहभागी झाले होते.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *