facebook
Saturday , December 10 2016
Home / Featured / माध्यमिक शिक्षणाधिकाऱ्यांना वॉरंट
news-10

माध्यमिक शिक्षणाधिकाऱ्यांना वॉरंट

आवाज न्यूज नेटवर्क –

नागपूर – अकोला जिल्हा परिषदेतील माध्यमिक शिक्षणाधिकारी प्रकाश मुकुंद यांना मुंबई हायकोर्टाच्या नागपूर खंडपीठाने आदेशाचा अवमान केल्याप्रकरणी दहा हजार रुपयांचा जामीनपात्र वॉरंट बजावला आहे. त्यांना ८ डिसेंबरला प्रत्यक्ष हजर राहून स्पष्टीकरण देण्याचा आदेश दिला आहे.

अकोला जिल्हा परिषदेच्या माध्यमिक शिक्षण विभागाने २०१३ मध्ये दत्तात्रय आगळे आणि गोविंद राठोड यांच्यासह काही शिक्षकांना अतिरिक्त ठरविले होते. त्यानंतर काही शिक्षकांना रिक्त झालेल्या जागांवर समायोजन करण्यात आले. परंतु, आगळे व राठोड यांचे समायोजन झाले नाही. त्यामुळे त्यांनी २०१३ ते २०१६ या कालावधीत रिक्त झालेल्या जागांबाबत माहिती अधिकारात तपशील मागितला होता. त्यावेळी त्यांना कोणतेही उत्तर देण्यात आले नाही. त्यामुळे आगळे व राठोड यांनी हायकोर्टात याचिका दाखल केली. त्यावर झालेल्या सुनावणीत शिक्षणाधिकारी प्रकाश मुकुंद यांनी एका याचिकाकर्त्याला सेवेत घेण्यात आले असून दुसऱ्या शिक्षकांनाही तातडीने सेवेत घेण्यात येईल, असे आश्वासन दिले होते. त्यामुळे हायकोर्टाने दोन्ही शिक्षकांची याचिका निकाली काढली.

दरम्यान, दोन्ही शिक्षकांना समायोजनाचे आश्वासन देण्यात आल्यानंतरही त्याचे पालन झाले नाही. त्यामुळे आगळे व राठोड यांनी हायकोर्टातील न्या. वासंती नाईक आणि न्या.स्वप्ना जोशी यांच्या खंडपीठासमोर अवमान याचिका दाखल केली. न्यायालयात शिक्षणाधिकाऱ्यांनी खोटी माहिती दिल्याचा आरोप करण्यात आला. तेव्हा हायकोर्टाने शिक्षणाधिकाऱ्यांविरुद्ध जामीनपात्र वॉरंट बजावला असून आठ डिसेंबरला त्याबाबत स्पष्टीकरण सादर करण्याचा आदेश देण्यात आला आहे. याचिकाकर्त्याच्यावतीने अॅड. निहालसिंग राठोड यांनी बाजू मांडली.

Check Also

fadnavis

मराठा आरक्षण देणारच : देवेंद्र फडणवीस

मराठा समाजाला आरक्षण देण्यासाठी राज्य सरकार वचनबद्ध आहे, असे मुख्यमंत्री देवेंद्र फडणवीस यांनी शुक्रवारी ‌विधानसभेत …

Leave a Reply

Your email address will not be published. Required fields are marked *