facebook
Saturday , December 10 2016
Home / Featured / महापौरांनी घेतला कर्मचाऱ्यांचा निरोप
news-11

महापौरांनी घेतला कर्मचाऱ्यांचा निरोप

आवाज न्यूज नेटवर्क –

औरंगाबाद – त्र्यंबक तुपे बुधवारी महापौरपदाचा राजीनामा देणार आहेत. त्यांना दीड वर्ष साध देणाऱ्या कर्मचाऱ्यांचा त्यांनी मंगळवारी महापौर बंगल्यात आयोजित कार्यक्रमात निरोप घेतला. कर्मचाऱ्यांबरोबर सप्निक भोजन केले, साडी-चोळी व भेट वस्तूंचा आहेर देखील केला. यावेळी कर्मचारी गहिवरले. ‘आजपर्यंत असा निरोप कोणत्याही महापौरांनी घेतला नाही,’ असे काहीजण खासगीत बोलत होते.
१९ नोव्हेंबर रोजी महापालिकेची सर्वसाधारण सभा झाली. यासभेच्या आदल्या दिवशी म्हणजे १८ नोव्हेंबर रोजी त्र्यंबक तुपे यांनी महापौर बंगल्यात दिवाळी स्नेहमिलनाचे आयोजन केले होते. या स्नेहमिलनाला त्यांनी विविध क्षेत्रातील नागरिकांना निमंत्रित केले होते. त्यात वृद्धाश्रमातील ज्येष्ठ नागरिक, अनाथाश्रमातील मुले, एड्सग्रस्त मुलांना देखील समावून घेण्यात आले होते. महापौर पती-पत्नीने या सर्वांसोबत त्यावेळी भोजनाचा आनंद लुटला. मुलांना, ज्येष्ठ नागरिकांना भेट वस्तू दिल्या. त्यानंतर मंगळवारी त्यांनी कर्मचाऱ्यांना महापौर बंगल्यात भोजनासाठी बोलावले. महापौर बंगल्यात काम करणाऱ्या महिला-पुरूष कर्मचारी, महापौर कार्यालयात काम करणारे कर्मचारी, सचिव विभागात काम करणारे कर्मचारी यांचा त्यात समावेश होता. या सर्वांनी तुपे यांना दीड वर्ष साथ दिली. या कर्मचाऱ्यांच्या बरोबरच तुपे यांनी महापालिकेतील सर्व गटनेत्यांना देखील स्नेहभोजनासाठी निमंत्रित केले होते. उपमहापौर प्रमोद राठोड, विरोधीपक्षनेते अय्युब जहागीरदार देखील या कार्यक्रमात सहभागी झाले होते. स्थायी समितीचे सभापती मोहन मेघावाले मात्र सहभागी झाले नाहीत, महापालिकेतील कार्यालयात ते बसून होते.

कर्मचारी गहिवरले
तुपे यांच्या पत्नी सविता तुपे यांनी महिला कर्मचाऱ्यांसोबत भोजन केले. भोजनासाठी गाजराच्या हालव्याचा मेनू होता. भोजनानंतर साडी-चोळी देऊन त्यांनी या कर्मचाऱ्यांचा निरोप घेतला व आभार मानले. तुपे यांनी अन्य कर्मचाऱ्यांना भेटवस्तू देऊन त्याचे ऋण व्यक्त केले. अशा प्रकारच्या निरोप समारंभामुळे सर्वच कर्मचारी गहिवरून गेले होते.

Check Also

cidco

२९ घरांतील घुसखोर सिडकोने हाकलले

रक्कम न भरता सिडकोच्या शिवाजीनगर (११वी योजना) येथील २९ घरांत ११ वर्षांपासून कब्जा केलेल्या २९ …

Leave a Reply

Your email address will not be published. Required fields are marked *