facebook
Wednesday , March 29 2017
Breaking News
Home / Featured / ‘जन धन’ खात्यातून दरमहा १० हजारच काढता येणार

‘जन धन’ खात्यातून दरमहा १० हजारच काढता येणार

आवाज न्यूज नेटवर्क –

मुंबई – पंतप्रधान जन धन योजनेतील खात्यातून दरमहा १० हजार रुपये काढण्याचे बंधन रिझर्व्ह बँकेने आता घातले आहे. जन धन खात्यांमध्ये मोठ्या प्रमाणावर काळा पैसा जमा झाल्याचे आढळल्याने या खात्यांचा दुरुपयोग केला जाऊ नये यासाठी हे पाऊल उचलले आहे.

जन धन खात्यांमध्ये ९ नोव्हेंबरपासून मोठ्या प्रमाणावर जमा होत असलेली रक्कम अघोषित संपत्ती दडवणाऱ्यांची असल्याचे निष्पन्न झाले आहे. त्यामुळे प्रामाणिक शेतकरी आणि ग्रामस्थांची काळा पैसेवाल्यांकडून फसवणूक होऊ नये आणि ते बेनामी व्यवहार प्रतिबंधक कायद्यांतर्गत कायदेशीर कारवाईत अडकू नयेत यासाठी हा प्रयत्न असल्याचे रिझर्व्ह बँकेने म्हटले आहे.

रिझर्व्ह बँकेच्या अधिसूचनेनुसार, केवायसी प्रक्रिया पूर्ण झालेल्या जन धन खातेदारांना आता दर महिन्याला १० हजार रुपये काढता येतील. केवायसी प्रक्रिया पूर्ण न केलेल्या जन धन खातेदारांना महिन्याला पाच हजार रुपये काढता येणार आहेत.

जन धन खात्यात वर्षाला ५० हजार रुपये भरण्याची मर्यादा आहे. चलनबदलाच्या घोषणेनंतर जन धन खात्यांत १४ दिवसांतच २७ हजार २०० कोटी रुपये जमा झाले. एकूण २५.६८ कोटी जन धन खात्यांतून यामुळे एकूण जमा रक्कम ७० हजार कोटींवर पोहोचली. २३ नोव्हेंबर रोजी ही रक्कम ७२ हजार ८३४.७२ कोटी नोंदवली गेली. सध्या एकूण जन धन खात्यांपैकी २२.९४ टक्के खाती शून्य शिलकीची उरली आहेत.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *