facebook
Tuesday , January 24 2017
Breaking News
Home / Featured / नवदाम्पत्याचा आजीवन अन्नदानाचा संकल्प

नवदाम्पत्याचा आजीवन अन्नदानाचा संकल्प

आवाज न्यूज नेटवर्क –

जळगाव – जळगाव शहरातील रेदासनी परिवारातील पुत्र नीरज व राका परिवारातील कन्या ऋजु हे गुरुवारी (दि.१ डिसेंबर) अत्यंत साध्या पद्धतीने विवाहबद्ध होत आहेत. विवाह सोहळ्यातील खर्चाला कात्री लावून या नवदाम्पत्याने आजीवन अन्नदानासाठी रुपये एक लाख एक हजार आठचा धनादेश बुधवारी राष्ट्रीय स्वयंसेवक संघ जनकल्याण समितीच्या पदाधिकाऱ्यांकडे सुपूर्द केला. या रकमेच्या व्याजातून प्रत्येक महिन्याच्या १ तारखेला जिल्हा रुग्णालयात अन्नदान केले जाणार आहे.

राष्ट्रीय स्वयंसेवक संघ जनकल्याण समिती यांच्यातर्फे जळगाव जिल्हा रुग्णालयात गरीब रुग्णांकरिता चालविलेल्या सेवालय केंद्राद्वारे अन्नदान केले जाते. या उपक्रमात सहभागी होण्याचा निर्णय नीरज रेदासनी व ऋजु राका या नवदाम्पत्याने घेतला. ते आज (दि. १ डिसेंबर) अत्यंत साध्या पद्धतीने विवाहबद्ध होत आहेत. विवाह सोहळ्यातील खर्चाला कात्री लावून त्यांनी आजीवन अन्नदानासाठी रुपये एक लाख एक हजार आठचा धनादेश बुधवारी राष्ट्रीय स्वयंसेवक संघ जनकल्याण समितीच्या पदाधिकाऱ्यांकडे सुपूर्द केला. या रकमेच्या व्याजातून प्रत्येक महिन्याच्या १ तारखेला जिल्हा रुग्णालयात अन्नदान केले जाणार आहे. याप्रसंगी दीपक घाणेकर, सुनील याज्ञिक, नितीन व निलिमा रेदासनी, चंद्रप्रकाश राका, सुनिता राका, डॉ. रितेश पाटील, लक्ष्मीकांत मणियार, अनिल जोशी, संजय बिर्ला, दीपक अट्रावलकर, अरविंद देशमुख, प्रभाकर बाणासुरे आदी उपस्थित होते. प्रिय व्यक्तींसाठी अन्नदान करून सेवालयाच्या या उपक्रमात सक्रिय सहभाग नोंदवावा, असे आवाहन राष्ट्रीय स्वयंसेवक संघ जनकल्याण समिती यांच्यातर्फे दीपक घाणेकर, सुनील याज्ञिक व दीपक अट्रावलकर यांनी केले आहे.

Check Also

विकास कामे झाली, पण ठराविक लॉबीचीच झाली – यशवंत भोसले

Click on Below Video Related

Leave a Reply

Your email address will not be published. Required fields are marked *