facebook
Sunday , May 28 2017
Breaking News
Home / Featured / नोटाबंदीचा रिअल इस्टेटला झटका

नोटाबंदीचा रिअल इस्टेटला झटका

आवाज न्यूज नेटवर्क –

नागपूर – नोटाबंदीचा सर्वाधिक परिणाम रिअल इस्टेट होईल, असे बोलले जात असताना प्राप्तीकर खात्याकडून त्याचा प‌हिला झटका मंगळवारी देण्यात आला. जुन्या नोटांद्वारे व्यवहारांच्या संशयावरून ग्रीन सिटी बिल्डर्सचा सर्व्हे करण्यात आला.

केंद्र सरकारने ८ नोव्हेंबरला ५०० व १ हजाराच्या जुन्या नोटा चलनातून रद्द केल्या. त्यानंतर काळा पैसा पांढरा करणाऱ्यांकडून प्रयत्न सुरू झाले. अशा काही विशेष क्षेत्रांवर प्राप्तीकर विभाग लक्ष ठेवून होता. रिअल इस्टेट हे त्यापैकीच एक क्षेत्र. या पार्श्वभूमीवर, येथील ग्रीन सिटी बिल्डरकडे मंगळवारी दुपारी अचानक सर्व्हे सुरू करण्यात आला.

प्राप्तीकर विभागातील सूत्रांनुसार, ग्रीन सिटी बिल्डर्स हे जाफरनगर, अनंतनगर, अहबाब कॉलनी या परिसरात आलिशान रहिवासी संकुल व व्यावसायिक संकुलांची ‌निर्मिती करतात. नोटा बंदीचा निर्णय झाल्यानंतर या प्रतिष्ठानने काही ग्राहकांकडून जुन्या नोटा घेऊन त्यांच्याशी सौदे केले. काळा पैसा पांढरा करण्याची शक्कल या माध्यमातून लढविण्यात आली. हे ‌व्यावसा‌यिक मुळातच आलिशान फ्लॅट क्षेत्रात कार्यरत असल्याने ही रक्कमदेखील मोठी होती. या संशायतून विभागाने मंगळवारी सर्व्हे सुरू केला. कुठलाही सर्व्हे असो वा छापा, अशा प्रकारची कारवाई वास्तवात प्राप्तीकर खात्याकडून सकाळीच सुरू होते. सर्व्हे असल्यास सूर्यास्तानंतर अर्थात कामाच्या वेळा संपल्यानंतर तो सुरू ठेवता येत नाही. छापा असल्यास तो २४ तासही सुरू राहू शकतो. पण ग्रीन सिटी बिल्डर्सवरील सर्व्हेची ही कारवाई मंगळवारी दुपारी २ नंतर सुरू झाली. अशावेळी खूप कमी वेळ विभागाच्या हातात होता. यामुळे इतक्या उशारा कारवाई सुरू करण्याचे कारण काय? अशीही चर्चा रिअल इस्टेट वर्तुलात रंगली होती.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *