facebook
Thursday , April 27 2017
Breaking News
Home / Featured / बँकांमध्ये खडखडाट

बँकांमध्ये खडखडाट

आवाज न्यूज नेटवर्क –

कोल्हापूर – गेल्या आठवड्यात एटीएममध्ये जाणवणारा पैशांचा खडखडाट आता बँकांमध्येही जाणवू लागल्याने राष्ट्रीयीकृत बँकांमधून नागरिकांना कमी पैसे मिळू लागले आहेत. राष्ट्रीयीकृत बँकेतून पाच ते दहा हजार रुपयापर्यंत पैसे देण्यात येणार आहेत. गुरुवारपासून खात्यांमध्ये पगार तसेच पेन्शन जमा होणार असताना व बहुतांश एटीएम बंद असल्याने चलन तुटवड्यामुळे नागरिकांना मोठा त्रास सहन करावा लागणार आहे. यामुळे परिस्थिती गंभीर बनण्याची चिन्हे आहेत. दरम्यान, गेल्या २१ दिवसात सहकारी संस्थांना पैसे मिळत नसल्याने आंदोलनाची पुढील दिशा ठरवण्यासाठी गुरुवारी दुपारी जिल्हा बँकेच्या मुख्य कार्यालयात सर्व पदाधिकारी व सर्वपक्षीय नेत्यांची सभा घेण्यात येणार आहे.

जिल्ह्यात नवीन रक्कम आली नसल्याने विविध राष्ट्रीयीकृत बँकांमध्ये उपलब्ध असलेल्या रकमेवर २१ दिवसाचा कारभार करण्यात आला. आता ती रक्कम संपत आली आहे. एक तारखेपासून नोकरदारांचे पगार तसेच पेन्शनरांची पेन्शन खात्यांमध्ये जमा होणार आहे. अशा परिस्थितीत रिझर्व्ह बँकेकडून नवीन रक्कम येण्याची शक्यता फार कमी असल्याचे सूत्रांचे मत असल्याने किमान आठ दिवस प्रचंड त्रास होण्याची शक्यता आहे. या पार्श्वभूमीवर आवश्यकता असलेल्या सर्वांना पैशांची उपलब्धता व्हावी यासाठी ‘नागरिकांनी गरज असल्यासच पैसे काढावेत,’ असे आवाहन बँकांच्या माध्यमातून करण्यात येत आहे.

नोटा बंदीच्या निर्णयानंतर सहकारी बँकांना पुरेशी रक्कम उपलब्ध होत नसल्याने यापूर्वीपासूनच अगदी तुटपुंजी रक्कम नागरिकांना दिली जात होती. मात्र राष्ट्रीयीकृत बँकेत २१ दिवस एटीएम तसेच काउंटरवरुन दिल्या गेलेल्या रकमेमुळे व रिझर्व्ह बँकेकडून पैसे मिळत नसल्याने या बँकांचीही अवस्था दयनीय झाली आहे. सध्या बँकांमध्ये कमी प्रमाणात पैसे असल्याने काही बँकांनी बुधवारपासूनच पाच हजार रुपयेच देण्यास सुरुवात केली. तर गुरुवारपासून अन्य बँकांही त्याच मार्गाचा अवलंब करत जास्तीत जास्त दहा हजार रुपयांपर्यंत पैसे देणार आहेत. अनेक सहकारी बँकांनी पाचशे रुपयेच ग्राहकांनी दिले. काही बँकांनी तर पैसे देणेच बंद केले.

नोकरदारांना मर्यादित रकमेवरच समाधान

बुधवारी स्टेट बँक ऑफ इंडियाचीच एटीएम सुरू होती. अन्य एटीएम बंदच असल्याने नागरिकांना आता बँकेतून मिळणाऱ्या मर्यादित रकमेवर समाधान मानावे लागणार आहे. सरकारी तसेच खासगी नोकरदारांचे पगार एक तारखेपासून जमा होत असून त्यांची गुरुवारपासून बँकेत गर्दी होणार आहे. त्यासाठी बँकांनी उपलब्ध पैसे सर्वांना मिळावेत, यासाठी प्रत्येकाला कमी रक्कम देण्याचे नियोजन केले आहे. रिझर्व्ह बँकेकडे रकमेची मागणी केलेली असली तरी त्यांच्याकडून जेव्हा रक्कम उपलब्ध होईल, तेव्हा ही परिस्थिती नियंत्रणात येईल असे सूत्रांचे मत आहे.

जिल्ह्यातील सरकारी कर्मचारी

प्राथमिक शिक्षक ९५००

शिक्षकत्तेर कर्मचारी ४३००

माध्यमिक शिक्षक ९०००

माध्यमिक शिक्षकेतर ४१००

महसूल १७५०

आरोग्य २४००

००००००००

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *