facebook
Tuesday , February 21 2017
Breaking News
Home / Featured / ‘मंगेशकर स्कूल ऑफ म्युझिक’ सुरू करण्याचा विचार

‘मंगेशकर स्कूल ऑफ म्युझिक’ सुरू करण्याचा विचार

आवाज न्यूज नेटवर्क –

मुंबई – संगीत क्षेत्रात मंगेशकर कुटुंबियांनी दिलेले योगदान पाहता महाराष्ट्रात ‘मंगेशकर स्कूल ऑफ म्युझिक’ सुरू करण्याचा राज्य सरकारचा मानस आहे. त्यासाठी मंगेशकर कुटुंबीय, गानसम्राज्ञी लता मंगेशकर पुरस्कारप्राप्त मान्यवर व संगीत क्षेत्रातील दिग्गजांचे सहकार्य घेतले जाईल, अशी घोषणा सांस्कृतिक कार्यमंत्री विनोद तावडे यांनी बुधवारी केली.

ज्येष्ठ संगीतकार व व्हायोलिन वादक उत्तम सिंग यांना राज्य सरकारचा २०१६चा गानसम्राज्ञी लता मंगेशकर पुरस्कार प्रभादेवी येथील रवींद्र नाटय मंदिरमध्ये झालेल्या शानदार सोहळ्यात प्रदान करण्यात आला. त्यावेळी तावडे बोलत होते. यावर्षीच्या लता मंगेशकर पुरस्कारासाठी निवड समितीने एकमताने ज्येष्ठ संगीतकार उत्तमसिंग यांची निवड केली. यावरून संगीत, कला या क्षेत्रात भाषा महत्त्वाची नसते, हे दिसून आले, असे तावडे यांनी यावेळी नमूद केले.

‘हा पुरस्कार म्हणजे आशीर्वाद असून आज मी स्वतःला लतारत्न असल्याचे मानतो. मी एक असा भाग्यवान आहे की मला लतादीदींचा हा आशीर्वाद प्रत्येक चित्रपटासाठी मिळाला. या पुरस्कारामुळे मी खऱ्या अर्थाने आज धन्य झालो’, असे मनोगत यावेळी उत्तमसिंग यांनी व्यक्त केले. पुरस्काराचे स्वरुप पाच लाख रुपये रोख, मानचिन्ह, मानपत्र असे आहे. या सोहळ्याला ज्येष्ठ संगीतकार खय्याम व प्यारेलाल शर्मा, महापौर स्नेहल आंबेकर यांच्यासह अनेक मान्यवर उपस्थित होते.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *