facebook
Wednesday , May 24 2017
Breaking News
Home / Featured / शिक्षण विभागाचे काम बंद!

शिक्षण विभागाचे काम बंद!

आवाज न्यूज नेटवर्क –

औरंगाबाद – जिल्हा परिषदेच्या शिक्षण विभागात कार्यरत असलेल्या एका महिला शिक्षकाच्या अडथळ्यावर नेमका कुणी तोडगा काढावा, या टोलवाटोलवीत बुधवारी शिक्षण विभागाचे कामकाज चक्क बंद होते. कर्मचाऱ्यांनी एकत्र येऊन सीईओ मधुकर अर्दड यांच्याकडे जाऊन दाद मागण्याचा प्रयत्न केला, पण एक तातडीची बैठक सुरू झाल्यामुळे कर्मचारी सायंकाळी वाट पाहत उभे होते.
जिल्हा परिषद सेवेतील एक महिला शिक्षक गेल्या काही दिवसांपासून शिक्षण विभागात येऊन दाद मागत आहे. काहींच्या म्हणण्यानुसार ही महिला मनोरुग्ण आहे. शिक्षण विभागाने या महिलेवर कारवाई प्रस्तावित केली होती. प्रशासनाने काही दिवसांपूर्वी हे प्रकरण वैद्यकीय मंडळाकडे पाठवावे, असे पत्रही दिले होते, पण त्यावर काहीच कार्यवाही झाली नव्हती. दोन दिवसांपासून ही महिला दिवसभर शिक्षण विभागात येऊन कर्मचाऱ्यांना जाब विचारत आहे, पण तिला कुणी प्रतिसाद देत नाही. बुधवारी सकाळी अकरा वाजताच ही महिला शिक्षण विभागात आली. शिक्षणाधिकारी आर. एस. मोगल व कर्मचारी उपस्थित होते. मंगळवारीही असाच प्रकार घडला होता.
सूत्रांनी दिलेल्या माहितीनुसार; याबाबत शिक्षणाधिकारी स्तरावर पोलिसात तक्रार करा, असे सीईओंनी सांगितले. बुधवारी शिक्षण विभागाने प्रशासनाकडे ही माहिती कळविली. सीईओ बैठकीसाठी बाहेर गेले होते. दिवसभर ही महिला कार्यालयात बसून असल्याने कर्मचारी बाहेर उभे होते. सायंकाळी साडेचारच्या सुमारास कर्मचाऱ्यांनी एक निवेदन तयार करून या महिला शिक्षकास शिक्षण विभागात येण्यापासून रोखावे, अशी मागणी सीईओंकडे करण्यासाठी गेले, पण सीईओंकडे जिल्हाधिकारी कार्यालयातील अधिकारी बैठकीसाठी आल्याने कर्मचाऱ्यांच्या शिष्टमंडळास वाट पाहात थांबावे लागले. या प्रकरणात प्रशासनाकडून एकमेकांकडे टोलवाटोलवी केली जात असल्याचा आरोप कर्मचाऱ्यांनी केला

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *