facebook
Saturday , February 25 2017
Breaking News
Home / Featured / हिंसामय गुन्ह्यांत नगर राज्यात टॉपला

हिंसामय गुन्ह्यांत नगर राज्यात टॉपला

आवाज न्यूज नेटवर्क –

अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा नगर जिल्हा या गुन्ह्यांमध्ये मोठ्या शहरानंतर आघाडीवर आहे. जिल्ह्यात गेल्या वर्षांत असे तब्बल दीड हजार हिंसामय गुन्हे नोंदविले गेले आहेत. या गुन्ह्यांत राज्यात नगर पाचव्या क्रमांकावर आहे. राज्यातील एकूण हिंसामय गुन्ह्यांत जिल्ह्याचे प्रमाण हे चार टक्के इतका आहे. गुन्हे घडल्यानंतर निर्माण होणाऱ्या कायदा व सुव्यवस्थेचा प्रश्न हाताळताना पोलिसांची दमछाक होते. २०१४ मध्ये नगर जिल्हा या गुन्ह्यांत आघाडीवर होता.

राज्यातील गुन्हेगारीचा लेखाजोखा मांडणाऱ्या महाराष्ट्रातील गुन्हे २०१५ या अहवालातून ही माहिती पुढे आली आहे. २०१५ मध्ये राज्यात ३७ हजार २९० हिंसामय गुन्हे नोंदविण्यात आले आहेत. त्यात मुंबई शहरात चार हजार ९०७, ठाणे शहरात तीन हजार ६३, पुणे शहरात दोन हजार ४२१, पुणे ग्रामीणला एक हजार ८२५ असे गुन्हे दाखल झाले असून, यानंतर थेट नगर जिल्ह्याचा पाचवा क्रमांक लागतो. या जिल्ह्यातील तीस पोलिस स्टेशनला वर्षभरात एकूण आठ हजारपेक्षा जास्त गुन्हे दाखल झाले असून, त्यात एक हजार ५२९ गुन्हे हे हिंसामय गुन्हे नोंदविण्यात आले आहे. यातील दरोड्याचे सर्वाधिक ६३ गुन्हे हे नगर जिल्ह्यात घडले आहेत. तर वर्षभरात १११ जणांची हत्या झाली आहे. तर अल्पवयीन मुली व महिलांवर बलात्काराचे १०६ गुन्हे दाखल झाले आहेत. या गुन्ह्यांमुळे जिल्ह्यात अनेकदा कायदा व सुव्यवस्थेचे प्रश्न निर्माण झाले आहेत. हे गुन्हे दाखल होण्याचे प्रमाण जिल्ह्यात ३२ टक्के आहे. गुन्हा घडल्यानंतर तो नोंदविण्याबरोबरच पोलिस स्टेशनवर मोर्चे, पोलिसांवर आरोप, रास्ता-रोको, बंद, आंदोलन असे पडसाद नगर जिल्ह्यात पडतात. त्यामुळे राज्यभर नगर जिल्हा गाजत असतो. इतर जिल्ह्यांच्या दृष्टीने क्षेत्रफळ जास्त असल्याने गुन्ह्यांचे प्रमाण जास्त आहे. त्या तुलनेत मात्र पोलिस कर्मचाऱ्यांची अपुरी संख्या आहे.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *