facebook
Saturday , December 3 2016
Home / Featured / एड्स नियंत्रणासाठी होणार जनजागृती
news-20

एड्स नियंत्रणासाठी होणार जनजागृती

आवाज न्यूज नेटवर्क –

जळगाव – महाराष्ट्र राज्य एड्स नियंत्रण संस्थेच्या माध्यमातून १ ते १५ डिसेंबरअखेर जळगाव शहर आणि जिल्ह्यात विविध कार्यक्रमांचे आयोजन करण्यात आलेले आहे. सकाळी ८.३० वाजता प्रभात फेरीने या पंधरावड्याचा शुभारंभ होत आहे. मान्यवरांच्या हस्ते झेंडा दाखवून प्रभात फेरीस प्रारंभ होईल.

महाराष्ट्र राज्य एड्स नियंत्रण संस्थेच्यावतीने १ ते १५ डिसेंबर या कालावधीत जळगाव शहर व जिल्ह्यात जागतिक एड्स दिन व पंधरावडा साजरा केला जात आहे. त्याचा शुभारंभ १ डिसेंबरला सकाळी ८.३० वाजता प्रभात फेरीने होत असून, या प्रभातफेरीस मान्यवरांचे हस्ते हिरवी झेंडी दाखवली जाईल. या निमित्ताने सामान्य रुग्णालयाच्या परिचारिका महाविद्यालयातर्फे जिल्हा रुग्णालयाच्या बाह्य रुग्ण विभागामध्ये जागतिक एड्स नियंत्रण दिनाविषयी पोस्टर प्रदर्शन आयोजित केले असून, सकाळी नऊ वाजता याचे उद््घाटन करण्यात येईल. तसेच एचआयव्ही संसर्गित ज्या व्यक्तींना अद्याप शासनाच्या योजनांचा लाभ मिळालेला नाही अशा रुग्णांसाठी एक मेळावा जिल्हाधिकारी कार्यालयात सकाळी ११ वाजता संजय गांधी शाखेतर्फे आयोजित केला असल्याची माहिती देण्यात आली.

मेळाव्यांचे आयोजन

राज्य एड्स नियंत्रण समितीतर्फे अमळनेरला ८ रोजी, सकाळी ११ वाजता आधार संस्थेच्या माध्यमातून मेळावा होत आहे. अशाच प्रकारचा मेळावा जळगावला ९ रोजी, गोदावरी संस्थेच्या माध्यमातून, एमएमएस मेळावा १० डिसेंबरला, ट्रकचालक व वाहक मेळावा १३ डिसेंबरला होईल. १७ डिसेंबरला एचआयव्हीसह जीवन जगणाऱ्या वधुवरांचा मेळावा जळगावला आयोजित करण्यात आला आहे.

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *