facebook
Saturday , December 3 2016
Home / Featured / ‘पाचशे’चे दर्शन बँकांनाही झाले दुर्लभ!
news-9

‘पाचशे’चे दर्शन बँकांनाही झाले दुर्लभ!

आवाज न्यूज नेटवर्क –

नाशिक – नाशिकच्या करन्सी नोट प्रेसमधून छापून बाहेर पडलेल्या पाचशेच्या नवीन नोटांचे दर्शन सामान्य नाशिककरच काय तर बँकांनाही दुर्लभ झाले आहे. शहरात या नोटांचा तुटवडा असल्याचे समोर आले आहे. विशेष म्हणजे आतापर्यंत महाराष्ट्र बँक, अॅक्सिस बँकसह काही मोजक्याच बँकांमध्ये या नव्या नोटा पोहचू शकलेल्या आहेत.

गेल्या काही दिवसापासून दोन हजारच्या नोटांमुळे अनेकांना सुट्टे नोटांचा त्रास सहन करावा लागत आहे. पाचशेच्या नवीन नोटा व्यवहारात आल्या. पण त्याचे प्रमाण खूपच कमी आहे. पाचशेच्या नोटा ज्या बँकेत आल्या नाही त्यांना मात्र बुधवारी अनेक ग्राहकांनी पाचशेच्या नोटा तुमच्याकडे कशा नाही? असा जाब विचारला. एटीएममध्येही अनेकांनी पाचशेच्या नोटा मिळाव्या म्हणून गर्दी केली. पण त्यांची निराशा झाली. एटीएममधून केवळ दोन हजारांच्याच नोटा मिळत होत्या. शंभराच्या नोटांचा अगोदरच तुटवडा असल्यामुळे बहुतांश बँकांने दोन हजारांच्या नोटांचे बँका तसेच एटीएममधून वाटप केले. पण त्यानंतर बाजारात सुट्यां नोटांचा प्रश्न तयार झाल्याने अनेकांनी बँकांकडे त्याबाबत तक्रारी केल्या. मात्र, बँकांमध्येही पैशाचा तुटवडा असल्यामुळे तेही हतबल झाले. एकीकडे चलनातून पाचशे व हजारांच्या नोटा बाद केल्यानंतर पैशाची टंचाई जाणवत असतांना दुसरीकडे नव्या आलेल्या दोन हजाराच्या नोटानेही प्रश्न न सुटल्यामुळे तिहेरी संकट ग्राहकांसमोर आहे. त्यातच पाचशेच्या नोटांसाठी मागणी असूनही या नोटा रिझर्व्ह बँकेने कमी प्रमाणात दिल्यामुळे त्याचाही संताप ग्राहक बँकांवर काढत आहे.

एसबीआयची २५० कोटींची मागणी
भारतीय स्टेट बँकेने रिझर्व्ह बँकेकडे पाचशेच्या नोटांची मागणी केली आहे. त्यासंदर्भात पाठविलेल्या पत्रात २५० कोटींची मागणी नोंदविली आहे. या नोटा बँकेत आल्यातर त्यांच्या जिल्हाभरातील ७० शाख व सुमारे १०० एटीएममधून वितरित केल्या जाणार आहेत. परंतु, मागणी नोंदवून चार दिवस उलटल्यानंतरही नोटा मिळल्या नसल्याचे एसबीआयच्या सूत्रांनी सांगितले.

एसबीआयने २५० कोटी रुपयाच्या पाचशेच्या नव्या नोटांची मागणी केली आहे. या नोटा मिळाल्यास सुट्यांचा भार कमी होणार आहे. पण अद्याप नोटा मिळालेल्या नाही‌त. नोटा मिळताच त्या जिल्हाभरात वितरित केल्या जाणार आहेत.
– सुनील खैरनार, विभागीय प्रबंधक, एसबीआय

Check Also

news-24

हिंसामय गुन्ह्यांत नगर राज्यात टॉपला

आवाज न्यूज नेटवर्क – अहमदनगर – खून, दरोडे, बलात्कार अशा हिंसामय गुन्ह्यांत कायम अशांत असणारा …

Leave a Reply

Your email address will not be published. Required fields are marked *