facebook
Tuesday , January 24 2017
Breaking News
Home / Featured / जयललिता यांना हृदयविकाराचा झटका, उपचार सुरू

जयललिता यांना हृदयविकाराचा झटका, उपचार सुरू

आवाज न्यूज नेटवर्क –

गेल्या दोन महिन्यांपासून अपोलो रुग्णालयात उपचार सुरु असलेल्या तामिळनाडूच्या मुख्यमंत्री जयललिता यांना रविवारी संध्याकाळी हृदयविकाराचा झटका आला. त्यांच्यावर तज्ज्ञ डॉक्टरांच्या देखरेखीखाली उपचार सुरु असल्याचे अपोलो रुग्णालयाने प्रसिद्ध केलेल्या पत्रकात म्हटले आहे.

जयललिता यांना २२ सप्टेंबर रोजी ताप आल्याने अपोलो रुग्णालयात दाखल करण्यात आले होते. जयललिता यांना मूत्रपिंड, यकृत, फुफ्फुसात संसर्ग झाल्याचे निष्पन्न झाल्याने त्यांच्यावर दोन महिने उपचार सुरु आहेत. जयललिता यांच्या प्रकृतीसंदर्भात रविवारीच पक्षाने प्रसिद्धी पत्रक काढून माहिती दिली होती. त्याच त्यांची प्रकृती चांगली असल्याचे म्हटले होते. प्रकृतीत सुधारणा झाली असून लवकरच त्यांना डिस्चार्ज दिले जाईल असे रुग्णालयाने प्रसिद्धि पत्रकात म्हटले होते. मात्र रविवारी संध्याकाळी त्यांना हृदयविकाराचा झटका आला.

दरम्यान जयललिता यांना रुग्णालयात दाखल केल्याची माहिती कळताच त्यांच्या समर्थकांनी रुग्णालयाच्या बाहेर प्रचंड गर्दी केली आहे. रुग्णालया बाहेर पोलिस बंदोबस्त वाढवण्यात आला आहे. केंद्रीय गृहमंत्री राजनाथ सिंह यांनी तामिळनाडूचे राज्यपाल चे.विद्यासागर राव यांच्याकडून जयललिता यांच्या प्रकृतीची माहिती घेतली आहे.

जयललिता हेल्थ अपडेट

लंडन येथील डॉक्टर रिचर्ड बेल चेन्नईकडे रवाना

दिल्लीच्या एम्समधील डॉक्टरांची टीम चेन्नईला रवाना

तमिळनाडुत कॅबिनेटची आपत्कालीन बैठक झाली

एआयएडीएमकेच्या सर्व खासदारांना चेन्नईला पोहोचण्यास सांगितले

अपोलो रुग्णालयाबाहेर २०० जवान तैनात

रुग्णालयाबाहेर प्रचंड जमाव. निमलष्करी दलाला सतर्कतेचे आदेश

रुग्णालयाकडे जाणारे मुख्य रस्ते बंद

Check Also

मतदारांना काय पाहिजे की आमच्या भागाचा विकास कोणी केला – मंगला कदम

Click on Below Video Related

Leave a Reply

Your email address will not be published. Required fields are marked *