facebook
Friday , May 26 2017
Breaking News
Home / Featured / शिवसेना खासदारांचे डेप्युटीकडे गा‍ऱ्हाणे

शिवसेना खासदारांचे डेप्युटीकडे गा‍ऱ्हाणे

आवाज न्यूज नेटवर्क –

मुंबई – नोटाबंदीनंतर सर्वसामान्यांना होणाऱ्या त्रासाबद्दल माहिती देण्यासाठी शिवसेनेच्या खासदारांनी सोमवारी रिझर्व्ह बँकेचे डेप्युटी गर्व्हनर आर. गांधी यांची भेट घेऊन त्यांना निवेदन दिले. ५० दिवसांनंतरही लोकांचा त्रास कमी न झाल्यास याला केंद्र सरकार जबाबदार राहील आणि त्याविरोधात आवाज उठविण्याचा आम्हाला अधिकार आहे, अशा शब्दांत या खासदारांनी आपला संताप व्यक्त केला.

खासदार अनिल देसाई, गजानन किर्तीकर, अरविंद सावंत आदी खासदारांच्या शिष्टमंडळाने ही भेट घेतली. सर्व काही सुरळीत होईल असे सांगण्यात येत असले तरी प्रत्यक्षात मात्र सर्वसामान्यांना सुट्टे पैसे मिळणे कठीण बनले आहे. लोकांचे बँक, एटीएमपुढे रांग लावणे वाढतच आहे. लोकांना चलनपुरवठा करणे ही आरबीआयची जबाबदारी आहे. ५० दिवसांनंतरही लोकांचा त्रास कायम राहिला तर याला केवळ सरकार जबाबदार राहील.

३० तारखेपर्यंत परिस्थतीत बदल

झाला नाही तर याला सर्वस्वी मोदीच जबाबदार राहतील, असेही त्यांनी यावेळी सांगितले. आम्ही निवेदन दिल्यानंतर आर. गांधी यांनी लवकरच हा त्रास संपणार असून येत्या दोन आठवड्यात आवश्यक तेवढे सुट्टे पैसे उपलब्ध होतील, असे आश्वासन दिल्याची माहिती खासदार गजानन किर्तीकर यांनी दिली.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *