facebook
Tuesday , January 24 2017
Breaking News
Home / Featured / शिरसाट, दानवेंचा खासदारांना ‘दे धक्का’

शिरसाट, दानवेंचा खासदारांना ‘दे धक्का’

आवाज न्यूज नेटवर्क –

औरंगाबाद – चार महिन्यांपूर्वी एकमेकांवर आरोप करणारे आमदार संजय शिरसाट व जिल्हा प्रमुख अंबादास दानवे आता एकत्र आले असून, त्यांनी खासदार चंद्रकांत खैरे यांना उपमहापौर, गटनेने, सभागृहनेते यांच्या निवडीत धक्का दिला आहे. संपर्कनेते विनोद घोसाळकर यांनी उपमहापौरांसह सभागृहनेते व गटनेते यांची नावे बुधवारी पत्रकार परिषदेत जाहीर केली. शिवसेना पुरस्कृत अपक्ष नगरसेविका स्मिता घोगरे यांना उपमहापौरपदासाठी उमेदवारी देण्यात आली आहे.
गणेशोत्सवाच्या काळात अंबादास दानवे यांनी शिवसेनेतर्फे गणेश यात्रा काढली. या यात्रेमुळे दुखावलेले आमदार संजय शिरसाट यांनी, दानवे यांची पक्षातून हकालपट्टी करण्याची मागणी केली होती. दानवे यांच्यावर त्यांनी आरोपांच्या फौरी झाडल्या होत्या. त्यावेळी खासदार चंद्रकांत खैरे दानवे यांच्याबरोबर होते. आता महापौर, उपमहापौरपदाच्या निवडणुकीच्या निमित्ताने शिरसाट, दावने एकत्र आले अाहेत. त्यांनी खैरे यांना एकाकी पाडल्याचे चित्र आहे. उपमहापौरपद शिवसेनेच्या वाट्याला आले आहे. त्यामुळे गेल्या शनिवारी शिरसाट, दानवे व प्रदीप जैस्वाल यांनी मुंबईत जाऊन विनोद घोसाळकर यांना संभाव्य उमेदवारांची यादी दिली. उपमहापौरपदासाठी स्मिता घोगरे, गजानन मनगटे, राजेंद्र जंजाळ यांच्या नावाची शिफारस करण्यात आली होती. सभागृहनेतेपदासाठी नंदकुमार घोडेले व विकास जैन यांच्या नावाची शिफारस करण्यात आली होती. घोगरे यांचे नाव आमदार शिरसाट यांच्या सूचनेवरून यादीत घेण्यात आले होते. मनगटे यांच्या नावाची शिफारस अंबादास दानवे यांची होती, तर प्रदीप जैस्वाल यांनी जंजाळ यांच्या नावाची शिफारस केली होती.
उमेदवारांची नावे जाहीर करताना घोसाळकर यांच्याबरोबर दानवे व शिरसाट उपस्थित होते. महानगरप्रमुख प्रदीप जैस्वाल यांच्यासह प्रमुख पदाधिकाऱ्यांची अनुपस्थिती होती. खासदार खैरे अधिवेशनामुळे दिल्लीला असल्याचे सांगण्यात आले.

उपमहापौरपदासाठी स्मिता घोगरेंना उमेदवारी
घोसाळकर यांनी बुधवारी सकाळी घोगरे यांचे नाव उपमहापौरपदासाठी जाहीर केले. त्यामुळे जैस्वाल यांची शिफासर वाया गेल्याचे मानले जाते. सभागृहनेतेपदासाठी गजानन मनगटे यांचे नाव जाहीर करण्यात आले. त्यामुळे दानवे यांची सरशी झाल्याचे मानले जात आहे. शिवसेना गटनेतेपदासाठी मकरंद कुलकर्णी यांचे नाव जाहीर करण्यात आले. कुलकर्णी देखील नव्याने तयार झालेल्या शिरसाट, दानवे गटाचे मानले जातात.

Check Also

मतदारांना काय पाहिजे की आमच्या भागाचा विकास कोणी केला – मंगला कदम

Click on Below Video Related

Leave a Reply

Your email address will not be published. Required fields are marked *