facebook
Friday , May 26 2017
Breaking News
Home / औरंगाबाद / १०० गावे ३१ डिसेंबरपर्यंत कॅशलेस

१०० गावे ३१ डिसेंबरपर्यंत कॅशलेस

देशात पाचशे आणि हजार रुपयांच्या नोटबंदीला एक महिना पूर्ण झाला. सर्वसामान्य नागरिकांना कॅशलेस व्यवहार करता यावा यासाठी औरंगाबाद जिल्हा प्रशासनानेही एक पाऊल पुढे टाकले असून येत्या ३१ डिसेंबरपर्यंत जिल्ह्यातील १०० गावे कॅशलेस करण्याची मोहीम राबवण्यात येणार आहे, अशी माहिती जिल्हाधिकारी डॉ. निधी पांडेय यांनी दिली.
मुख्यमंत्री देवेंद्र फडणवीस यांनी गुरुवारी व्हिडिओ कॉन्फरन्सिंगद्वारे राज्यातील सर्व जिल्हा प्रशासनातील अधिकाऱ्यांशी चर्चा केली. या कॉन्फरन्सिंगसाठी जिल्हाप्रशासनासोबतच जिल्हा परिषद, महापालिका, बँकेच्या अधिकाऱ्यांची उपस्थिती होती. या संदर्भात जिल्हाधिकारी डॉ. निधी पांडेय म्हणाल्या, ‘जिल्ह्यातील शंभर गावे कॅशलेस करण्याचे नियोजन करण्यात आले आहे. पहिल्या टप्प्यामध्ये शासकीय तसेच निमशासकीय कार्यालयातील व्यवहार कॅशलेस करण्याचा प्रयत्न राहणार असून त्यानंतर खासगी क्षेत्रातील व्यवहाराकडे लक्ष देण्यात येईल. यासाठी जिल्ह्यात बँकांचे किती जाळे पसरले आहे, कर्मचारीसंख्या किती आहे, इलेक्ट्रॉनिक व कॅशलेस व्यवहार करण्यासाठी आणखी काय करण्याची गरज आहे या संदर्भात लवकरच तयारी करण्यात येणार आहे. स्मार्टफोन हाच केवळ कॅशलेस होण्याचा पर्याय नसून इतरही पर्याय ग्राहकांसाठी उपलब्ध आहेत. या सर्व पर्यायांचा येत्या काळामध्ये प्रचार व प्रसार करण्यात येणार आहे. यामुळे येत्या ३१ डिसेंबरपर्यंत जिल्ह्यातील १०० गावे कॅशलेस होतील, असा विश्वास डॉ. निधी पांडेय यांनी बोलून दाखवला.

प्रशिक्षणाचे आयोजन
नोटबंदीच्या निर्णयानंतर रोख व्यवहारात अडचणी निर्माण झाल्या आहेत. नागरिकांनी ‘कॅशलेस’ व्यवहार करावा यासाठी शासनाकडून प्रयत्न केले जात आहेत. यापद्धतीच्या व्यवहारासाठी ग्रामीण भागात प्रशिक्षण शिबिरे आयोजित करावेत, अशा शासनाच्या सूचना होत्या. यानुसार प्रत्यक्ष कामाला सुरुवात झाली आहे. काही दिवसांपूर्वीच जिल्हाधिकारी कार्यालयात तहसीलदार, उपजिल्हाधि‌कारी तसेच उपविभागीय अधिकाऱ्यांना बँकेतर्फे ‘कॅशलेस’ व्यवहाराचे प्रशिक्षण नुकतेच दिले होते.

Check Also

गोवंश हत्याबंदीला सुप्रीम कोर्टात आव्हान

गोवंश हत्याबंदी दुरुस्ती कायदा रद्द करण्याबाबतची जनहित याचिका मुंबई हायकोर्टाच्या औरंगाबाद खंडपीठाने फेटाळली होती. या …

Leave a Reply

Your email address will not be published. Required fields are marked *