facebook
Friday , May 26 2017
Breaking News
Home / Featured / इंग्रजीची १४ हजार मुले झेडपीच्या शाळेत!

इंग्रजीची १४ हजार मुले झेडपीच्या शाळेत!

आवाज न्यूज नेटवर्क –

नागपूर – महाराष्ट्रात शिक्षणाचे परिर्वतन मोठया प्रमाणात होत आहे. प्रगत शैक्षणिक महाराष्ट्र कार्यक्रमांतर्गत राज्यातील शिक्षकांनी जिल्हा परिषदेच्या शाळांमध्ये रचनावादी शिक्षण आणि स्पोकन इंग्रजीचे धडे विद्यार्थ्यांना दिले. या रचनावादी शिक्षणामुळे जिल्हा परिषदेच्या विद्यार्थ्यांनी खऱ्या अर्थाने अधिक दर्जेदार शिक्षण मिळू लागले. यामुळे राज्यातील अनेक खाजगी अनुदानित शाळा आणि इंग्रजी माध्यमांच्या शाळांमधील अनेक विदयार्थी जिल्हा परिषदेच्या शाळांमध्ये प्रवेश घेत आहेत. आतापर्यंत सुमारे १४ हजार विद्यार्थ्यांनी जिल्हा परिषदेच्या शाळांमध्ये प्रवेश घेतला असल्याची माहिती शिक्षणमंत्री विनोद तावडे यांनी विधानपरिषदेत दिली.

महाराष्ट्रात हे परिर्वतन ज्या शिक्षकामुळे आणि ज्या शिक्षकांच्या मार्गदर्शनामुळे झाले, त्या शिक्षकांचा गौरव महाराष्ट्राच्या विधिमंडळात वेगळया पध्दतीने होणार आहे. या अनेक शिक्षकांचा गौरव करताना विधिमंडळात ५० शिक्षकांना प्रातिनीधिक स्वरुपात निमंत्रित करण्यात आहे. विधानसभा आणि विधान परिषदमधील प्रेषक गॅलरीमध्ये या शिक्षकांना विधिमंडळाच्या कामकाजादरम्यान निमंत्रित करण्यात आले आहे. महाराष्ट्राला खऱ्या अर्थाने शैक्षणिकदृष्ट्या प्रगतीच्या दिशेने नेणाऱ्या या शिक्षकांचे विधिमंडळाच्या सर्व सदस्यांनी बाके वाजवून अभिनंदन केले. विधानसभा अध्यक्षांनीही त्या शिक्षकांचे अभिनंदन केले. राज्यातील जिल्हा परिषदेच्या शाळांमध्ये रचनावादी शिक्षणाचा प्रयोग करणाऱ्या शिक्षकांचे अशा प्रकारे अभिनंदन झाल्याची बहुधा ही पहिली घटना असल्याचे तावडे यांनी यावेळी सांगितले.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *