facebook
Tuesday , May 23 2017
Breaking News
Home / Featured / कॉलेज निवडणुका निर्णयाचे जोरदार स्वागत

कॉलेज निवडणुका निर्णयाचे जोरदार स्वागत

आवाज न्यूज नेटवर्क –

अहमदनगर – राज्यातील विद्यापीठ व कॉलेजांतील निवडणुकांवर वर्षांपासून असणारी बंदी उठवल्याच्या निर्णयाचे विद्यार्थ्यांकडून जोरदार स्वागत केले गेले. या निर्णयाने येणाऱ्या शैक्षणिक वर्षापासून कॉलेजविश्वात पुन्हा निवडणुका सुरू होणार असल्याने त्या दृष्टीने सर्वपक्षीय युवा नेत्यांच्या राजकीय हालचालीही सुरू झाल्या आहेत. काही नव्या संघटनांची सुरुवातही कॉलेज कॅम्पसमध्ये होऊ लागली आहे.

महाराष्ट्र सार्वजनिक विद्यापीठ विधेयक नागपूर अधिवेशनात दोन्ही सभागृहात संमत करण्यात आले आहे. शालेय शिक्षण मंत्री विनोद तावडे यांनी हे विधेयक मांडले होते. कॉलेजच्या विद्यार्थी परिषदेत पूर्वीप्रमाणे सीआर, तसेच जीएस या दोन प्रमुख विद्यार्थी प्रतिनिधींसह एक विद्यार्थिनी प्रतिनिधी, तसेच अनुसूचित जाती, जमाती आणि भटक्या विमुक्त समाजाच्या विद्यार्थ्यांनाही या निवडणूक प्रक्रियेत आरक्षण ठेवले गेले आहे. ५६ विविध बाबींचा समावेश असलेल्या या विधेयकाची सविस्तर माहिती प्रसिद्ध झाल्यावर राजकीय विश्वातून प्रत्यक्ष निवडणूक हालचालींना अधिक वेग दिला जाणार आहे.

राज्याच्या राजकारणात प्रसिद्ध असलेल्या भाजप, राष्ट्रवादी, काँग्रेस, शिवसेना, मनसे आदी प्रमुख पक्षांसह अन्य विविध संघटनांच्या युवा आघाड्या आहेत. पूर्वी होणाऱ्या कॉलेज निवडणुकांतून या युवा आघाड्यांद्वारे युवापिढीवर वर्चस्व ठेवण्याची स्पर्धा राजकीय पक्षांमध्ये होती. पण या निवडणुकांवर बंदी आल्याने बहुतांश पक्षांच्या युवा आघाड्या निस्तेज झाल्या होत्या. मात्र, आता राज्यातील कॉलेज आणि विद्यापीठांतील बंद करण्यात आलेल्या विद्यार्थी निवडणुकांचा मार्ग पुन्हा मोकळा झाल्याने त्याचे युवा जगतातून स्वागत केले जात आहे.

रुद्र प्रतिष्ठानची स्थापना 

कॉलेज निवडणुका होणार असल्याचे जाहीर झाल्यानंतर शैक्षणिक पातळीवर कार्यरत असणाऱ्या विद्यार्थी संघटना कार्यरत झाल्या आहेत. आज येथील न्यू आर्ट्स, कॉमर्स व सायन्स कॉलेजमध्ये रुद्र प्रतिष्ठान या संघटनेची स्थापना झाली. विद्यार्थ्यांचे प्रश्न सोडविण्यासाठी रुद्र प्रतिष्ठान काम करणार असल्याचे अक्षय भिंगारदिवे यांनी सांगितले. कॉलेज निवडणुकांमुळे विद्यार्थ्यांच्या समस्या मांडण्यासाठी एक हक्काचे व्यासपीठ तयार होणार असल्याचेही त्यांनी स्पष्ट केले.

Check Also

1)देहूरोडमध्ये बॉम्ब सदृष्य वस्तूचा स्फोट; तीन जखमी 2) स्वाईन फ्लूमुळे पुणे व्हेंटीलेटरवर

Related

Leave a Reply

Your email address will not be published. Required fields are marked *