facebook
Sunday , February 26 2017
Breaking News
Home / Featured / युवास्पंदनमध्ये उत्साहाला उधाण

युवास्पंदनमध्ये उत्साहाला उधाण

आवाज न्यूज नेटवर्क –

जळगाव – एम. जे. कनिष्ठ महाविद्यालयाचे स्नेहसंमेलन युवास्पंदनचा दुसरा दिवस ललित कला व सांस्कृतिक कार्यक्रमांनी गाजला. सकाळी रंगमंचाची पूजा करून कार्यक्रमांना सुरुवात झाली. समन्वयक एस. ओ. उभाळे, प्रा. पी. डी. भोळे, यु. व्ही. पाटील, प्रा. पी. बी. चौधरी, प्रा. प्रसाद देसाई हे उपस्थित होते.

सांस्कृतिक कार्यक्रमांची सुरुवात अंताक्षरी स्पर्धेने झाली. अतिशय रंगतदार झालेल्या या स्पर्धेत चार फे-या झाल्या. स्पर्धेचे सूत्रसंचालन मानसी माळीचकर, अंजली दायमा यांनी केले. परीक्षक म्हणून प्रा. सुनिता चौधरी व प्रिया सायखेडे यांनी काम पाहिले. आभार प्रा. लीना भारंबे यांनी मानले. गीतगायन स्पर्धेत १८ स्पर्धकांनी नोंदविला. प्रा. प्रिया सायखेडे यांनी कट्यार काळजात घुसली चित्रपटातील सूर निरासग होवो या गाण्याने स्पर्धेची सुरुवात केली. वैष्णवी पाटील याने गायलेल्या झिंग झिंग झिंगाट या गाण्यावर उपस्थितांनी ठेका धरला. दीपक पाटील याने गायलेल्या सदाबहार गीत मेरे सपनोकी रानीने सर्वच प्रेक्षकांमध्ये भावनांचे तरंग उठले. स्पर्धेच्या शेवटी जयोस्तुते.. हे मंगल गीत स्पर्धकांनी सादर केले. परीक्षक म्हणून प्रा. डॉ. गौरी राणे व प्रा. सुनिता चौधरी यांनी काम पाहिले. या कार्यक्रमाचे सूत्रसंचालन ऋषिकेश मिश्रा, मृणाली बारी यांनी केले. आभार प्रा. राजश्री महाजन यांनी मानले. नृत्य स्पर्धेत विक्रम सावंत याने सजदा गाण्यावर केलेल्या फ्युजन नृत्याला प्रेक्षकांनी डोक्यावर घेतले. दिशा ढगे हिने सादर केलेली लावणी सर्वांच्या मनावर अधिराज्य करून गेली. मल्हारी गीतावर नरेंद्र शिंदे याने सादर केलेल्या नृत्यावर उपस्थितांनी ठेका धरला. हर्षदा पाटील या विद्यार्थिनीने नृत्यातून स्त्री सुरक्षेसाठी तरुणांना साद घातली. परीक्षक प्रा. के. के. वळवी, योगेश मर्दाने, नेहा जोशी होते. पारितोषिक वितरण प्राचार्य डॉ. उदय कुळकर्णी यांच्या अध्यक्षतेखाली झाले. प्रमुख अतिथी अॅड. सुनील चौधरी हे होते. सेवानिवृत्त माजी उपप्राचार्य प्रा. सुनील चौधरी, प्रा. जे. डी. चौधरी यांचा सत्कार करण्यात आला. सूत्रसंचालन प्रा. रूपम निळे यांनी केले. आभार प्रा. गुणवंत वंजारी यांनी मानले.

स्पर्धेतील विजेते

सोलो स्पर्धा : प्रथम मृणाली येवले, द्वितीय विक्रम सामंत, तृतीय नरेंद्र शिंदे.
कपल डान्स : प्रथम दिशा ढगे, द्वितीय अपूर्वा थत्ते.
ग्रुप डान्स : झिंगाट ग्रुप (साधना प्रजापत, समृद्धी संत, स्वाती संकत, निशा तायडे).
गीतगायन : प्रथम मयुरी हरिणकर, द्वितीय वैष्ण‍व पाटील, तृतीय आशुतोष चौधरी.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *