facebook
Wednesday , March 29 2017
Breaking News
Home / Featured / ‘रिलायन्स जिओ’ला २० कोटींचा दंड

‘रिलायन्स जिओ’ला २० कोटींचा दंड

खोदाई करताना महापालिकेला इंटरनेट सुविधा पुरविण्याच्या करारातील अटींचा रिलायन्स जिओने भंग केल्याने २० कोटी रुपये जमा करण्याचा आदेश आयुक्तांनी दिला आहे. ही रक्कम जमा केल्यानंतरच पुढील खोदाईला परवानगी मिळणार असल्याचे स्पष्ट करण्यात आले आहे.

महापालिकेच्या पथ विभागाने रिलायन्सला शहरात खोदाई करण्यास गेल्या वर्षी परवानगी दिली होती. पावसाळ्यानंतर रिलायन्सने हे काम पुन्हा सुरू केले. खोदाईची मान्यता देतानाच, महापालिकेच्या सर्व कार्यालयांना इंटरनेट सुविधा पुरविण्याचे बंधन रिलायन्सवर घालण्यात आले होते. त्यासाठी, एक महिन्याची मुदत देण्यात आली होती. रिलायन्सकडून दोन एमबीपीएसऐवजी केवळ डोंगलवर सुविधा देण्यात आली. पालिका आणि रिलायन्समध्ये झालेल्या करारातील अटी-शर्तींचा भंग झाल्याने अतिरिक्त आयुक्त राजेंद्र जगताप यांनी रिलायन्सची खोदाई थांबविण्याचे आदेश पथ विभागाला दिले होते.

अतिरिक्त आयुक्तांच्या आदेशामुळे रिलायसन्सची शहरातील सर्व कामे ठप्प होण्याची भीती होती. त्यामुळे, त्यांनी आयुक्त कुणाल कुमार यांच्याकडे दाद मागितली. आयुक्तांनी खोदाई थांबविण्याच्या आदेशातून रिलायन्सला सवलत दिली असली, तरी २० कोटी रुपये अनामत रक्कम पालिकेकडे भरण्याचे आदेश काढले. तसेच, इंटरनेट सेवा पुरविण्यासाठी ३१ मार्चपर्यंतची मुदत देण्यात आली. आयुक्तांच्या आदेशानुसार ही अनामत रक्कम भरण्यास रिलायन्सने असमर्थतता व्यक्त केली. ही रक्कम कमी करून मिळावी, यासाठी सध्या कंपनीतर्फे पालिकेत हेलपाटे घातले जात आहेत. अनामत रक्कम भरण्याचे आदेश आयुक्तांनी दिले असल्याने ते कमी करण्याचे सर्वाधिकार आयुक्तांकडेच आहेत. ही रक्कम भरल्यानंतरच पुढील कार्यवाही करण्यात येईल, असे जगताप यांनी सांगितले.

Check Also

अशोक खरात – प्रभाग क्र. ११ ‘क’ गट राष्ट्रीय समाज पक्षाचे अधिकृत उमेदवार

Click on Below Video Related

Leave a Reply

Your email address will not be published. Required fields are marked *